Скачать или смотреть አምስተኛው የእርግዝና ሳምንት ምልክቶች እና የፅንሱ እድገት | 5 week pregnancy sign and fetus growth

ብዙ ሴቶች በ 5ተኛው የእርግዝና ሳምንት እርጉዝ መሆናቸውን ያውቃሉ። ምክንያቱም በዚህ ጊዜ የወር አበባችሁ እንደቀረ ያውቃሉ እና ሌሎች ግልፅ የሆኑ ምልክቶችን ማየት ይጀምራሉ። የእርግዝና ምርመራውንም በዚህ ሳምንት ብታደርጉ ትክክለኛ ውጤት ማግኘት የምትችሉበት ጊዜ ነው።


እርጉዝ መሆናችሁን ማወቅ አስደሳች ነገር ነው። ነገር ግን መጨነቅም የተለመደ ነው። ከ 10 በላይ የሚሆኑ እናቶች በእርግዝና ወቅት ጭንቀት ይሰማቸዋል። ጭንቀቱ መነሻው የተለያየ ሊሆን ይችላል። ለምሳሌ ከፅንስ መጨናገፍ ጋር በተያያዘ ፣ የመጀመሪያ እርግዝናችሁ ከሆነ ፣ እንዲሁም አንዳንድ የጤና ችግሮች ካሉ በነዚህ ምክንያቶች መጨነቅ የተለመደ ነው። ታድያም ለሚሰማችሁ ማንኛውም ጭንቀቶች ሀኪማችሁን ብታማክሩ ጥሩ ነው።


📌 በ 5 ተኛው ሳምንት የሚታዩ የመጀመሪያ እርግዝና ምልክቶች


ሁሉም ሴቶች መደበኛ የወር አበባ ዑደት የላቸውም። ስለዚህ የወር አበባችሁ እንደቀረ ላታውቁት ትይላላችሁ። ሌላው ደግሞ መጠነኛ የደም መፍሰስ ሊያጋጥማችሁ ይችላል። እናም የወር አበባ ነው ብላችሁ ልታስቡ ትችላላችሁ ። ነገር ግን የመትከል ደም መፍሰስ ምልክት ሊሆን ይችላል።


በእርግዝና የመጀመሪያ 3 ወራት ውስጥ ብዙ ሴቶች ከፍተኛ ድካም ይሰማቸዋል። ሌሎች የእርግዝና የመጀመሪያ ምልክቶች ደግሞ


➣በአፋችሁ ውስጥ የብረት ብረት የሚል ጣዕም
➣የጡት ህመም
➣ማቅለሽለሽ - ይህም የጠዋት ህመም" በመባልም ይታወቃል።
➣የስሜት መለዋወጥ
➣ ምግብ መውደድ ወይም መጥላት
➣ከፍተኛ የማሽተት ስሜት
➣ብዙ ጊዜ መሽናት
➣ከብልት የሚወጣ ነጭ የእርግዝና ፈሳሽ
➣ ነጠብጣብ የደም መፍሰስ
➣ ልክ እንደ የወር አበባ ህመም የሚመስል ቁርጠት
➣በፊት መጥቆር ወይም ቡናማ ቀለም መያዝ.


📌ፅንሱ ምን ይመስላል?


ልጃችሁ ወይም ፅንሱ 2 ሚሜ ያህል ርዝመት አለው (ወይም የሰሊጥ ዘር ያክላል)። እስከ 28 ሳምንታት አካባቢ ድረስ ተዘግተው የሚቆዩት ትንንሽ አፍንጫ እና ትንሽ ዓይኖች ያሉት የፊት ቅርጽ መስራት ይጀምራል። የፅንሱ አእምሮ እና የአከርካሪ ገመዶቹ በውስጣችሁ በፍጥነት እየተፈጠሩ ነው። ትንሹ ልብ መፈጠር ይጀምራል እና ለመጀመሪያ ጊዜ መምታት ይጀምራል።


ፅንሱ በዚህ ጊዜ የራሱ የሆነ የደም ስሮች ያሉት ሲሆን ከደም ስሩ መካከል ያለው ሕብረ ህዋሱ ደግሞ እምብርት ይሆናል። ፅንሱ በዚህ እምብርት አማካኝነት የሚፈልገውን ሁሉ ያገኛል ማለት ነው። አሁን እየተፈጠረ ያለው የእንግዴ ልጅ ለልጁ አልሚ ምግቦችን እና ኦክስጅንን ይሰጠዋል እንዲሁም ቆሻሻን ያስወግዳል።


📌በ 5 ሳምንታት እርግዝና ውስጥ, ሆዳችሁ በመጠኑ ገፋ ሊል ይችላል። እና ብዙ ጊዜ የጠዋት ህመም ሊኖርባችሁ ይችላል። በእርግዝና ወቅት ጤናማ ሆናችሁ እንድትቆዩ ለመርዳት በመጀመሪያው ሶስት ወራት ውስጥ ከ 1 እስከ 5 ኪሎ ግራም እንድትጨምሩ ይመከራል።


📌በአምስተኛው የእርግዝና ሳምንት ሊፈጠሩ የሚችሉ ችግሮች


📌የፅንስ መጨንገፍ የማስጠንቀቂያ ምልክቶች


10% የሚሆኑት ነፍሰ ጡር ሴቶች የፅንስ መጨንገፍ ያጋጥማቸዋል። የ ደም መፍሰስ በጣም የተለመደው የፅንስ መጨንገፍ ምልክት ነው። ይህ የደም መፍሰስ የረጋ ደምን ሊይዝ ይችላል። በፅንስ መጨናገፍ ጊዜ ከከባድ የጀርባ ህመም ጋር የሆድ ህመም ወይም የዳሌ ቁርጠት ሊያጋጥማችሁ ይችላል። ለዚህ ነው በእርግዝና ወቅት የደም መፍሰስ ሲያጋጥማችሁ ወዲያውኑ ሀኪም ቤት መሄድ አለባችሁ የሚባለው። በተለይም ደግሞ በመጀመሪያዎቹ የእርግዝና 3 ወራቶች ውስጥ ከሆነ ።


📌ሌላው tubal ወይም ectopic እርግዝና ፅንሱ ከማኅፀን ውጭ የሚያድግበት እርግዝና ሲሆን በአብዛኛው በማህፀን ቱቦ ውስጥ ያድጋል። እንዲህ ዓይነቱ እርግዝና ሊቆይ የማይችል እና ለህይወታችሁ አደገኛ ነው። የ ectopic እርግዝና ምልክቶች
➣ ከ ብልት ደም መፍሰስ፣
➣የዳሌ ህመም እና ቁርጠት (በአብዛኛው በአንድ በኩል የሚሰማ)፣
➣ የትከሻ ህመም፣
➣ራስን መሳት ወይም ማዞር ናቸው።
#እርግዝና
#symptoms
#pregnancy