Скачать или смотреть 任食唔嬲？醒你啦！你只腳一踏入門口，自助餐老細已經笑住等你上釣，仲諗住食到人哋喊？你估你真系識得計呢條數？每一處設計都是精心布下的經濟局！

大年初四（迎神接財）祝大家馬年 「馬」 上有錢，「馬」 上有一切！

所謂每逢佳節肥三斤，各位老友記，農曆新年長假，諗住慳家啲，約埋班friend去自助餐大殺四方，食到人哋老細喊住收工，諗住咁先叫做回本？
唉，我同你講啦，你嗰只腳一踏入去嗰間餐廳嘅大門，你已經輸咗，
唔理你點樣餓、點樣搏命塞、點樣喺個腦度計到出曬血，呢個就系自助餐嘅鐵律，系上天註定嘅宿命嚟㗎！

你望住門口嗰啲大大隻字，六十九、八十九蚊位，仲要鬼死咁大隻字寫住「牛排唔限量」、「海鮮時蛋你點樣隊」、「嘢飲甜品任裝」，你企喺度望住，成個心都囉囉攣，覺得今次發達啦，真系執到寶啦，今次輪到我做老細啦，心諗一陣間入到去一定要同個老細上一堂慘痛嘅課，教精佢咩叫「蝕到入肉」！

結果呢？結果咪又系同一個結局：你系點樣雄心壯志咁行入去，就系點樣扶住道牆、頂住個大肚腩、行步路都幾乎要咳返啖氣出嚟咁樣爬出嚟。個腦仲要一片空白，充滿咗十萬個為甚麼，明明啲龍蝦、鮑魚、靚牛扒好似喺遠處同你揮手，點解自己好似食咗幾嚿水咁就飽到上心口？點解？點解會咁？

你千祈唔好再怪自己個胃唔爭氣，唔好再怪自己細食，我同你講，由你只腳一踏入間餐廳，聽到服務員講果句「歡迎光臨」開始呢，你就已經成只迷途小羔羊咁，跌入咗一個精心設計、算到冇倫、系商業奇先設計出嚟嘅「經濟遊戲」入面。

近幾年開始呢，租金貴到飛起，請人又貴，靠以前「大件夾抵食」嘅老本行，已經養唔起成間餐廳啦。於是乎呢，啲商家就開始玩嘢，將以前嘅「粗放式經營」，進化到「精細化運營」，玩心理戰，玩到你陀陀擰啊。

佢哋而家唔再玩啲cheap嘅嘢，例如話啲食材唔新鮮呀、臭嘅、變壞嘅，因為咁樣會趕客，做唔長。佢哋而家玩嘅系「軟套路」，系讓你唔驚唔覺，開開心心咁飽死，仲要贊佢哋抵食添呀！

你話你系「老食家」？我呸！你入到去，第一眼望到系乜嘢？系咪永遠都系堆到滿滿當當、香噴噴嘅炒飯、炒麵、pizza、壽司？系咪先？成座山咁，五顏六色，油光滿面，好似同你講：「肚餓啦？快啲過嚟食我啦！」

你一個唔覺意，只手就自動自覺咁攞起個碟，裝起一碗炒飯，諗住：「食少少墊下個底先，一陣間先去攞貴嘢食。」我同你講，你咁諗就大鑊啦！你中咗人哋嘅「碳水炸彈」陷阱啦！

你知唔知一碗炒飯成本幾錢啊？我同你計條數喇，大陸米價都系兩蚊人仔左右一斤，加啲蛋碎、油鹽、蔥花，炒出嚟，撐死都系五蚊雞成本啊！但系呢碗五蚊雞嘅嘢，一落肚，你半個胃即刻被佢占領咗！你以為自己好醒，喺度「時蛋攞菜」，其實你行緊嘅路線，系人哋一早規劃好、最慳錢嘅路線圖嚟㗎！

等你食飽碗飯，先施施然行到去海鮮、牛扒區，望住啲龍蝦、鮑魚，你系咩感覺？系咪覺得個胃已經冇乜位呢？系咪覺得有啲飽滯？系呀！十蚊雞嘅炒飯，成功攔截咗你食一百蚊靚肉嘅機會！人哋條數算得仲精過你屋企個會計呀！

而且呢，呢啲主食仲有個特點，就系重油重鹽，咸到呢，第一啖你覺得系人間美味，第二啖就開始覺得有啲漏，第三啖直頭覺得個喉嚨俾嘢塞住咁，想嘔咁滯。點算好呢？頸渴呀嘛！系咪自然就會想去攞嘢飲？嗱嗱嗱，跟住落嚟，就系「嘢飲殺手」出場嘅時候啦！

你望下啲飲品區，可樂、雪碧、七喜，仲有橙汁、蘋果汁、雜果賓治，五顏六色，鬼死咁多款，你以為好抵？我話你知，一杯橙汁嘅成本，分分鐘一蚊都唔使呀大佬！全部都系用粉衝出嚟嘅，香精味濃過茶餐廳嘅凍檸茶呀！你為咗解渴，為咗解膩，猛咁隊兩杯落肚，尤其系啲有汽嘅嘢，二氧化碳即刻喺你胃入邊膨脹，搞到你不停打嗝，成個胃即刻俾佢撐到漲卜卜！你話喇，個胃入面而家仲邊有位放得落龍蝦、牛扒吖？連條菜都塞唔入啦！

好唔容易你消化咗少少，終於的起心肝要去攞啲貴价海鮮，先發現，原來啲海鮮、刺身、靚牛扒，系全部收收埋埋，放喺餐廳最角落頭嘅位置，你行過去分分鐘要成五分鐘，仲要系最唔顯眼嘅地方。就算俾你搵到啦，佢哋仲要系「小份」上碟嘅，一碟仔得兩舊，你想攞多啲？唔好意思，冇得攞，要等下一輪！啲牛扒每四十分鐘先出一批，啲刺身更加系要睇準時間先有，好似同你玩捉伊因咁啊。

你想食呀？好呀，排隊啦！排隊排到天荒地老，排到腳都跛，等你好不容易排到啦，個胃已經餓過龍，又或者俾你之前飲嘅水、食嘅飯頂到實一實，仲邊度有胃口食得落吖？人哋呢招叫「飢餓營銷」，加「時間控制」，既讓你覺得啲嘢好珍貴，好難先食到，又可以準確咁控制住貴价食材嘅消耗量，點計佢都唔會輸，你話佢精唔精？

好，就算你咁好彩，俾你排到隊攞到舊牛扒，你以為你真系食緊牛扒？天真啊！你知唔知而家出街食飯，時蛋叫一碟牛扒都要五六十蚊？你畀六七十蚊入嚟，你估老細真系開善堂㗎？做慈善㗎？佢賺你個錢賺到笑呀！

我同你講啊，自助餐入面啲所謂「羊肉串」，三百串嘅批發價先兩百幾蚊，平均一串唔使一蚊雞呀！你話佢系乜嘢肉？自己諗啦！仲有啲牛扒，而家興講「科技與狠活」，七成雞胸肉，加三成澱粉，撈埋色素同肉味香精，再用松肉粉乜乜乜咁，壓製成一塊「牛扒」，煎出嚟，淋上汁，你唔系專業食家，你分到就奇啦！仲食得津津有味添呀！

仲有啲海鮮，你望落去擺到滿滿，成座山咁，其實全部都系凍貨，仲要系最平嗰啲死凍蟹、死凍蝦，一啲鮮味都冇。人哋早就將食材成本壓到最低最低，唔理你系六十幾定一百幾蚊一位嘅自助餐，平均食材成本，只系占你俾嘅錢嘅三成到四成左右，其餘嗰六七成，就系租金、人工，同埋人哋袋袋平安嘅純利潤啦！你仲想食得返本？你估你食緊空氣咩？

仲有啊，嗰兩個鐘頭限時，你以為系時蛋定㗎？人哋系經過科學研究㗎！一個鍾，你食唔爽，三個鍾，你又坐得耐霸住個位。一百二十分鐘，啱啱好讓你由最初嘅亢奮、雄心壯志，食到後期開始攰、開始厭、開始悶，個腦攰過個胃，到最後半個鐘，你根本冇心機諗邊樣嘢貴、邊樣嘢抵，只系想是但‌攞啲嘢塞飽個肚就算，快快脆脆走人算數。

仲未講完呀！人哋連環境都同你set好曬陷阱㗎！你冇發覺啲台同台之間嘅距離，窄到側身先行得過啊？系咪好唔舒服啊？你冇發覺張凳仔硬到乜咁，坐一陣就開始pat pat痛啊？你冇發覺個冷氣一時凍到要着外套，一時又熱到出汗啊？全部系設計好㗎！目的就系等你坐唔定，坐唔舒服，唔會想坐咁耐，食飽少少就想快啲走！

仲有啊，啲侍應家姐會密密手過嚟幫你收碟，收完一個又一個，收到你張台得返杯水，用意系乜呢？就系潛意識咁催你：「食完未？食完未？食完快啲走啦，後邊仲有好多人等緊呀！」人哋自助餐廳嘅命脈，從來唔系喺一個客度賺幾多，而系「翻台率」呀大佬！你食一個鍾走，同你食三個鍾先走，人哋個午市可以翻三四次台，賺嘅錢即刻翻幾倍啊！

有人話：「屌！咁我聽日全日唔食嘢，淨系飲水，餓到前胸貼後背，咁我入去實可以食得返本掛？」

太天真啦！你以為自己好醒，其實你身體都幫緊個老細倒米呀！你餓得耐，個胃會自動收縮變細，等你第一盤嘢食擺喺面前，你因為太肚餓，狼吞虎咽咁猛食幾啖，個大腦即刻接收到訊號，嗰個「飽肚中樞」就即刻啟動，叫你個身體停低！你仲未來得切反應，甚至未覺得飽，你個身體已經同你講：「夠啦夠啦，收工啦！」你話喇，系咪連你副偈都幫人倒你米？難怪人哋啲老細夠膽死同你講：「你唔好話人啦，你拉只牛過嚟，等佢淨系食肉，我都唔信佢食得返本呀！」

講到底呢，人哋自助餐老細，根本唔驚你食得多，最驚你唔嚟幫襯啊！佢哋賺嘅，從來唔系你一餐飯嘅錢，而系你心目中嗰種「預期蝕本率」入面嘅心理紅利！你以為自己醒目，其實你只系人哋個Excel表上面，一條自動送上門嘅數據咋！