Aydın Baba "Məni sağlığımda yoxla bəsimdi" qiraət Zabir Əliyev ZABİRBAYCAN

Vaxtınız xeyir, videonu izlədiyiniz üçün öncədən təşəkkür edirəm! Kanalıma abunə olsanız çox məmnun olaram. Lütfən, əməyimə dəyər olaraq bəyənmə düyməsini tıklamağı unutmayın.
Dərin Hörmətlə: Zabir Əliyev /ZABİRBAYCAN/

Mən ağ kəfənə bükməyə nəvar?
Üstümə torpoğı tökməyə nə var?
Bazardan gül alıb əkməyə nə var?
Məni sağlığımda yoxla bəsimdi!

Sinəmi oxlayıb dağlama mənim,
Yolumu izimi bağlama mənim...
Yeddimi qırxımı saxlama mənim
Məni sağlığımda yoxla bəsimdi!

Silmə üz gözünü, tökmə göz yaşı,
Yığma dost tanışı, qohum qardaşı...
Neynirəm süfrədə yağlı bozbaşı
Məni sağlığımda yoxla bəsimdi!

Mən yazıq Aydını gətirmə dilə,
3 günlük dünyadır yaxşılıq eylə....
Öləndə düşmən də ağlayır, Lələ,
Məni sağlığımda yoxla bəsimdi!