Скачать или смотреть ,,Таваллуди фарёд’’ -,,БОЗГАШТ “аз маҷмӯаи шеърҳои Мавҷигули Зардодхон

Мавчигули Зардодхон (Таваллуди фарёд)
БОЗГАШТ
Як замон зиндагӣ бе ёр чи мушкил омад,
Сад умедам ба раҳе пойи пур аз гил омад.
Дар дилам баски сипанди ҳавасе сӯхта буд,
Парии шеър ба бӯяш ба дари дил омад.
Шеъри ман буи вафо хамчу дуое дорад,
Киштии рафта, зи дарё сӯи соҳил омад.
Меҳри ман дасти ғурури дили ботил бишикаст,
Ёри рафта ба дари дил чу соҳил омад.
***
Ӯ зи кӯи мозиҳо аз нав гузар хоҳад намуд,
Ишқи маснуе барои худ сипар хоҳад намуд.
Ӯ нарафту бурд ӯро чун ғурури мастиҳо,
Оқибат бо ёди ман сӯям сафар хоҳад намуд.
Чун маро мастонае дид рашк ӯро карда кӯр,
Оқибат бо чашми дил сӯям назар хоҳад намуд.
Бо ғаме мардона зистам аз ҷафои занмизоҷ,
Аз хатои кардаи худ ӯ ҳазар хоҳад намуд
Рӯз рафту бесадо чун дузди шаб хоҳад расид,
Қадри худро андаке аз кам батар хоҳад намуд.
#шеър #адабиёти_тоҷик #мавҷигул #ривоят #қироъат