තුන්ලෝකාග්රවූ, භාග්යවත් වූ, අර්හත් වූ, දසබලධාරී, සුගත තථාගත සම්මා සම්බුදු රජාණන් වහන්සේටත්, උන්වහන්සේ විසින් පරෝපදේශ රහිතව ස්ව උත්සාහයෙන් ප්රත්යක්ෂ වශයෙන් අවබෝධ කරගෙන දේශනා කොට වදාළ උතුම් ශ්රී සද්ධර්මයටත්, උන්වහන්සේ විසින් දේශිත ඒ උතුම් මාර්ගයේ වැඩමකළ සහ වැඩමකරන්නාවූ අෂ්ටාර්ය පුග්ගල මහා සංඝරත්නයටත් පළමුවද, දෙවනුවද, තෙවනුවද අපගේ නමස්කාරය වේවා!!! සාදු! සාදු!! සාදු!!!
ඊයේ, 2021 වෙසක් මස 11 වැනි දින (අඟහරුවාදා) ශ්රී ලංකාවේ වේලාවෙන් පෙරවරු 11.30 ට පමණ "බෞද්ධයා රූපවාහිනිය" ඔස්සේ විකාශය කරන ලද ධර්මානුශාසනාව පවත්වා වදාළේ; එප්පාව පාර, කටියාව, ශ්රී සම්බෝධි විහාරස්ථානයේ විහාරාධිපති, අවසරයි,කටියාවේ ආනන්ද ස්වාමීන්ද්රයාණන් වහන්සේ විසිනි.
තුන්ලෝකාග්රවූ, භාග්යවත් වූ, අර්හත් වූ, දස බලධාරී, සුගත තථාගත සම්මා සම්බුදු රජාණන් වහන්සේ විසින් දේශනා කොට වදාළ, උතුම් ධර්මස්කන්ධයන් අතුරින්; සූත්ර පිටකයේ, අඞ්ගුත්තර නිකාය, චතුක්ක නිපාතයේ, ආභා වර්ගයේ, "කාල සූත්ර දේශනාවේ" එන; "චත්තාරොමෙ භික්ඛවෙ කාලා. කතමෙ චත්තාරො? කාලෙන ධම්මස්සවණං, කාලෙන ධම්මසාකච්ඡා, කාලෙන සමථො, කාලෙන විපස්සනා' ති"...යන උතුම් ගාථා රත්නය මාතෘකා කරගනිමින්; "අප විසින් නිසි කාලයේ කළ යුතු කරුණු හතරක් පිළිබඳව" මනාව විග්රහ කරමින් පවත්වන ලද ඒ උතුම් ධර්මානුශාසනාව අසා ඒ අනුව සිත් මෙහෙයවමින් මෙලොවින් පරළොවට ගෙනයන මිණිමුතු රැස්කරගන්නට ධර්මයට සමීප (උපාසක) ඔබ අප්රමාදී වේවා!!!
*** මෙම උතුම් ධර්මානුශාසනාවේ වීඩියෝව හෝ හඬපටය බාගත කරගෙන අන්තර්ජාල සබඳතා නොමැතිව ශ්රවණය කිරීම සඳහා පිවිසෙන්න;
https://www.y2mate.com/youtube/ccAT2Q...
අපගේ වන්දනීය දේශකයාණන් වහන්සේටත්, බෞද්ධයා කාර්ය මණ්ඩලයේ හා බාහිර වශයෙන් නන් අයුරින් දායකත්වය සැපයූ සැමටත්, පින් කැමති සියළුදෙනාටත් මේ උතුම් ධර්ම දානමය පින් අත්වේවා!!!
එසේම අපගේ මව්පියන්, සහෝදර සහෝදරියන්, ඤාති මිත්රාදීන්ටද, අනන්ත සසර පටන් මේ මොහොත දක්වා අප නමින් මිය පරලොව ගියා වූ සියළුම ඥාති-මිත්රාදීන්ද, ගුරු-දෙගුරුන්ද මේ පින් අනුමෝදම් වෙත්වා!!!
යමෙකු දුගතියක වෙත් නම් මෙ පින් බෙලෙන් සුගතිගාමී වෙත්වා!!! සුගතියක වෙත්නම් එහිදීම උතුම් වූ ධර්මාවබෝධය වේවා!!!
අවසන් වශයෙන්, ඔබ අප සියළු දෙනාටම මේ උතුම් ගෞතම ශ්රී සම්බුද්ධ ශාසනයේදීම සසර කතරින් එතෙරවීමට තෙරුවන්ගේ ආශීර්වාදයෙන් හැකියාව ලැබේවා!!!
බුදුන් සරණ හැර අන් සරණක් නැත මා හට,
දහම් සරණ හැර අන් සරණක් නැත මා හට,
සඟුන් සරණ හැර අන් සරණක් නැත මා හට,
මෙතුන් සරණ හැර අන් සරණක් නැත මා හට.
සාදු! සාදු!! සාදු!!!
"දස බල බුදුරජාණන් වහන්සේ නම් මහා පර්වතය මුදුනින් හටගත් අමා මහ නිවන නම් මහා සයුර කෙළවර කොට ඇති ආර්ය අෂ්ඨාංගික මාර්ගය නම් සිසිල් දිය පිරුණු ඒ උතුම් තථාගත බුද්ධ වචනය නම් වූ මහා ගංගාව අපමණ සත්ත්වයාගේ අනන්ත සසර දුක් ගිනි නිවාලමින් තව බොහෝ කල් ගලා බසීවා!!!
(වසර විසිපහක් පුරා භාග්යවතුන් වහන්සේට ඇප උපස්ථාන කරමින් කටයුතු කළ අග්ර උපස්ථායක, ධර්ම භාණ්ඩාගාරික ආනන්ද මහ රහතන් වහන්සේ විසින් කරන ලද අධිෂ්ඨානයකි.)
අපගේද පරම පැතුම එයයි. එය එසේම වේවා!!! සාදු! සාදු!! සාදු!!!
*** විශේෂ දැනුම්දීමයි... සුගත තථාගත ශ්රී සද්ධර්මයට ලැදි ඔබ සැමගේ පහසුව තකා, ඔබගේ දැහැමි සිතුවිලි බෙදාහදා ගැනීම සඳහාම වෙන්වූ මුහුණුපොතේ පිටුවක්ද නිර්මාණය කළෙමි.
/ sunathadharetha.charathadhamme
෴ ජයවීරගේ සමන්ත ෴ රුසියාවේ සිට ෴
(කෘතඤ පූර්වක පුණ්යානුමෝදනාව; බෞද්ධයා නාලිකාවේ නිර්මාතෘවරයාණන් වහන්සේ ඇතුළු සැමට)
෴ අහං පන රුසියා දීපේ ෴ ජයවීරගේ සමන්ත ෴ නාමෝ හොතිි ෴
Информация по комментариям в разработке