Yevlaxın Havarlı kəndində Mingəçevirin torpaq iddiası - APA TV

#APATV #Yevlax #Havarlıkəndi #Mingəçevir #IQarabağmüharibəsi #ƏfqanMustafayev #Suqovuşan #icrahakimiyyəti #hadisə #apagroup #apaxeber #apaxəbər #apatvxəbər #apaxeberler #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #xəbərləryeni #sondeqiqe #gününəsasxəbərləri #sonxeberlerbugun2023 #canlıyayım #apacanlı

Yevlaxın Havarlı kəndində Mingəçevirin torpaq iddiası - APA TV

Yevlax rayon icra hakimiyyətinin qazi ailəsinə verdiyi torpağı Mingəçevir rayon icra hakimiyyəti ailənin əlindən alır.

Bu kuryoz hadisə Yevlax rayonunun Havarlı kənd sakini Suqovuşanın azad edilməsi uğrunda gedən döyüşlərdə ayağını və əl barmaqlarını itirən döyüşçüsü Cavid Mustafayevin və onun atası, I Qarabağ müharibəsi iştirakçısı Əfqan Mustafayevin başına gəlib.

Elə hər şey də bundan sonra başlayıb. Həmin ərazi bataqlıq olduğundan vətəndaş sənədlər hazır olunana kimi həmin ərazini abadlaşdırmaqla bağlı qurumla razılığa gəlib və ərazidə işə başlayıb.

Müsahibimizlə söhbətimizi bitirməmiş başqa bir vətəndaş, vətən müharibəsi şəhidi Hüseyn Abbasəliyevin atası Adil Abbasəliyev də bənzər problemlərlə qarşılaşdığını bildirdi. Adil Abbasəliyev Mingəçevir Məşğulluq idarəsi tərəfindən avtoyuma avadanlıqları ilə təmin olunub. Lakin hələ də onu quraşdırmağa yer tapmır. Mingəçevir icra hakimiyyəti onun da aldığı torpaq sahəsinin tək sahibi olduğunu bildirib.

Çəkiliş apardığımızı görən digər qonşu da söhbətə qoşuldu. Onun əlində olan sənədlər isə 2006-cı ilə aiddir. Mingəçevir şəhər icra hakimiyyəti onun 16 il əvvəl aldığı sənədli torpaqdan istifadə etməsinə icazə verilmir. Çünki bu torpaqlar da Mingəçevir İcra hakimiyyətinə aiddir.

Məsələ ilə bağlı Mingəçevir şəhər bələdiyyəsinə üz tuturuq. Çəkiliş aparmağımıza imkan yaradılmasa da bildirildi ki, suallarımıza Mingəçevir şəhər icra hakimiyyətində cavab tapa bilərik. Üz tutduq icra hakimiyyətinə... Burada da sualımıza cavab verən tapılmadı, əvəzində reportajın əvvəlində təqdim etdiyimiz qalmaqal yaşandı.

Bu yaşananlardan sonra isə İcra hakimiyyətinin rəsmi sorğumuza göndərdiyi cavab belə oldu:

Sitat
Yevlax rayonunun Havarlı kənd sakini, Vətən müharibəsi qazisi, II dərəcəli əlil Cavid Mustafayev heç bir torpaq ayırma sənədi olmadan Mingəçevir şəhərinin inzibati ərazi sərhədləri daxilində Mingəçevir Bələdiyyəsinin mülkiyyətinə aid olan ərazidə 0,03 ha torpaq sahəsini zəbt edərək orada heç bir dövlət orqanı ilə razılaşdırılmadan özbaşına sahibkarlıq obyektinin tikinti işlərini aparmağa cəhd edib. Mingəçevir Bələdiyyəsinin nümayəndəsi Cavid Mustafayevin özbaşına tikinti işləri aparmaq istədiyini aşkar etmiş və müvafiq akt tərtib edərək tikintiyə hazırlıq işlərinin dayandırılmasını tələb etmişdir. Ona tövsiyə edilmişdir ki, sahibkarlıq fəaliyyəti ilə məşğul olmaq üçün Mingəçevir şəhərinin digər ərazisindən torpaq sahəsi ayrılması məqsədilə Mingəçevir Bələdiyyəsinə müraciət etməlidir.

Eyni zamanda bildiririk ki, Cavid Mustafayevin torpaq zəbt etdiyi ərazi Mingəçevir şəhərinin inzibati ərazisi daxilindədir və şərq giriş qapısının yanındadır.

Həmin yerdə təxminən 1 hektara yaxın ərazidə yaşıllıq zolağı salınması nəzərdə tutulmuş, artıq bu işlərə başlanılmışdır.

Vətəndaşlara bu barədə dəfələrlə izahat verilmiş və müraciətlərinə rəsmi cavab məktubları göndərilmişdir”. Sitatın sonu.

Məsələyə bir aydınlıq gətirmək ümidi ilə Yevlax rayon Havarlı kənd Bələdiyyə sədri Sərvan Mustafayevlə əlaqə saxladıq. Bələdiyyə sədri bildirdi ki, problem elektron xəritədən qaynaqlanır. Onun sözlərinə görə, elektron xəritədə sözügedən ərazilər Mingəçevir ərazisi kimi görünsə də, hələ ki, rəsmi mülkiyyət hüququnu təsdiq edən hər hansı bir sənəd yoxdur.


✅ Rəsmi saytımız: https://apa.tv
✅ Rəsmi facebook səhifəmiz:   / tvapaxeber  
✅ Rəsmi instagram səhifəmiz:   / apatvresmi  
✅ Rəsmi twitter səhifəmiz:   / apatvofficial  
✅ Rəsmi teleqram səhifəmiz: https://t.me/apa_tv
✅ Rəsmi youtube kanalımız: https://www.youtube.com/APAGROUPOffic...



Copyright © APA TV

Videolarda yazılan rəylərə görə kanal rəhbərliyi məsuliyyət daşımır.

REKLAM TƏKLİFİ ÜÇÜN (Contact) [email protected]