Khit Thit သတင်းဌာန၏ ဩဂုတ် ၂ ရက် နေ့လယ်ပိုင်း ရုပ်သံသတင်းအစီအစဉ်

Khit Thit သတင်းဌာန၏ ဩဂုတ် ၂ ရက် နေ့လယ်ပိုင်း ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ ဩဂုတ် ၂ ရက် နေ့လယ်ပိုင်း တင်ဆက်ပေးမယ့် သတင်းတွေကတော့

- အမေရိကန်ဒေါ်လာ ပြတ်လပ်နေတဲ့ အကြမ်းဖက် စစ်ကောင်စီက ပြည်တွင်းက ပို့ကုန်ရငွေ ဒေါ်လာ တွေ မအပ်နှံတဲ့ ကုမ္ပဏီ ၁၀၇ ခုကို လိုင်စင်တွေ ရုပ်သိမ်းလိုက်ပြီး ပိုင်ရှင်တွေကိုပါ အမှုဖွင့်လိုက်သလို ၊ ထွက်ပြေးတိမ်းရှောင်တဲ့ လုပ်ငန်းရှင်တွေကို နိုင်ငံကူးလက်မှတ်တွေပါ ဖျက်သိမ်းလိုက်တယ်လို့ နေပြည်တော်စီးပွား/ကူးသန်း ဝန်ကြီးဌာန သတင်းရင်းမြစ်က ရန်ကုန်ခေတ်သစ်ကို ပြောပါတယ်။

- မြန်မာနိုင်ငံတစ်ဝန်း စက်သုံးဆီတွေ ပြတ်လပ်နေတဲ့အချိန်မှာပဲ ဆီစျေးနှုန်းတွေ ထပ်မံ မြင့်တက်သွားပြီး ဆီဆိုင်တွေမှာလည်း ဆီထည့်မယ့် ကားတန်းရှည်တွေ ဖြစ်နေကြတယ်လို့ ရန်ကုန်မြို့နေ Taxi ယာဉ်မောင်း ၁ ဦးက ပြောပါတယ်။

- ရှမ်းပြည်နယ်မြောက်ပိုင်းက မိုးမိတ်မြို့ကို တိုက်ခိုက်သိမ်းပိုက်ပြီးတဲ့နောက် မြို့ထဲကို ဝင်ရောက်လာတဲ့ TNLA၊ PLA အပါအဝင် တော်လှန်ရေးတပ်တွေကို ပြည်သူတွေက သောင်းသောင်းဖျဖျ ကြိုဆိုခဲ့ကြတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။