港超聯　冠忠南區開操！鞠盈智兼任助教

港超球隊冠忠南區周一（15日）在黃竹坑運動場進行公開操練，主席陳文俊接受訪問時，透露今季班費將維持800至900萬，又稱會再增添新兵，目標站穩聯賽榜上半版，球隊之後或前往內地集訓。

是日操練除外援川瀨浩太未歸隊、小將莊晉正在泰國集訓外，其餘球員包括5名新兵陳嘉昊、恩奴、亞哥斯達、宋柱浩，以及即場宣布加盟的U18球員張國鋒皆有現身。主席陳文俊受訪時，透露今季班費將維持800至900萬，又承認前鋒達施華突然因個人家庭問題離隊，打亂球隊部署，之後很大機會再簽人：「成件事好突然，我又唔會話急住揾一個替補，因為我哋唔係超級班霸，錢好重要。要慢慢再揀，唔急嘅，但依家唔係好夠人，都要執番一個半個球員。」

而對於主力射手史提芬彭利拿突然離隊，陳文俊則顯得十分無奈：「我哋同『肥彭』好好關係，完全冇嘢，純粹嚟個變化，都想球隊年輕啲。如果我係有錢球會，我會留番佢，多個本地球員有咩所謂。」南區上季未能衞冕「賽馬會菁英盃」，聯賽亦只能排第5名，陳文俊坦言成績絕對令人失望，盼全隊上下今季可以調整心態，力爭站穩聯賽榜上半版：「舊年一開季球員太過心雄，有啲高估咗自己，當正自己係一隊強隊，可以同傑志、理文打。我覺得唔係，南區只係中游球隊，希望今年應該贏嘅波要贏，下風啲嘅波就踢出驚喜。」

至於主教練楊正光則表示達施華離隊後，前鋒的確缺人，需要進一步加強人手：「人數唔理想，仲差一至兩位球員，主要係前鋒或者本地中前場球員，而後防就比上年充裕咗。」「光Sir」續指今季目標至少殺入盃賽決賽，並爭取聯賽前3名。

【冠忠南區球員名單】
門將：1.伍瑋謙、13.陳嘉昊、31.顏翱天
後衞：2.陳潤潼、4.川瀨浩太、5.恩奴、6.基斯、14.宋柱浩、16.翟廷峯、26.陳凱柏
中場：7.李小恆、8.李嘉耀、10.亞哥斯達、11.佐佐木周、15.黎格爾、23.容昊、24.鞠盈智、27.莊晉、28.張國鋒
前鋒：18.艾華、20.游卓峰、90.積遜
------------------
冠忠南區周一（15日）正式開操，當中今季身兼助教的36歲中場鞠盈智，表示來季會集中助教的工作，又透露自己將於季後退役：「如無意外踢埋今季就退落嚟，始終年紀大喇，係時候畀後生嘅接力。」

鞠盈智上季為冠忠南區上陣只有15場，3月份亦宣布從港隊退下火線，為14年國際賽生涯劃上句號。即將踏入職業生涯的最後一個球季，「阿智」坦言心情輕鬆，希望可以盡自己所能，幫助年輕球員成長：「雖然上場機會可能會少一些，但我會盡全力去支持球隊，幫助年輕球員適應職業環境。」他又認為今季兼顧助教角色，絕對責任重大：「做球員嘅時候好簡單，顧好自己就得，但做教練就需要掌握好多嘢，比如訓練方法同戰術策略。」

未來將積極向教練方向發展的「阿智」，又笑言成為港隊教練是他的長遠目標之一：「依個目標仲需要啲時間，可能考返個A級牌照先。同埋會慢慢學習，向其他教練請教，留喺香港積累更多執教經驗。」對於南區今年的陣容變動，「阿智」則對亞哥斯達、恩奴和宋柱浩3名新外援讚不絕口：「新簽外援質素都唔錯，但需要一啲時間去融入球隊，有信心佢哋可以盡快適應到新球風環境同教練要求。」

#本地足球 #冠忠南區 #鞠盈智 #我撐本地波 #港超聯 #中銀人壽香港超級聯賽 #睇體
------------------
支持香港運動員，快啲follow埋《睇體》個 IG：  / ontv_sports  

再再訂閱《睇體》個YouTube頻道：https://bit.ly/2lD6cD7