Скачать или смотреть Magis Optis - Joana de Arc

Joana de Arc (_Joan of Arc_ , Leonard Cohen, 1971). Adatada de engles a lingua franca nova e rejistrada par Michel Gaillard © Magis Optis, 2026.

==== Joana de Arc ====

La flamas core, e los segue Joana,
cuando el cavali nel oscur:
no luna brilia sua armur,
no person, tra esta note, acompania.
“La gera es tan fatigante!
Me vole vive como a ante
e vesti me en roba blanca
de sposi per covre bien mea manca.”

“Me es felis de tua parla:
me atende tu a cada dia.
En me, alga cosa aspira gania
un eroesa tal, solitar e fria.
— E ci tu es? ela demanda
a esta algun ultra la fuma.
— Me es la foco, elo responde,
e tua orgulo savaje ia sedui me.”

“Alora, foco, fresci tua corpo,
u asi la mea per asorbe”,
ela dise e, en la cor
focosa, ela salta como amor.
Profonda a en, la foco prende
Joana de Arc en sua abrasa
e, tota a supra, elo pende
la senes de sua roba blanca de sposa.

Profonda a en, la foco prende
Joana de Arc en sua abrasa.
Tan clar, alora, ela comprende:
si elo es foco, ela debe es brasa.
Ela salteta, e ela cria;
en sua oio, me vide gloria.
Me mesma aspira ama e brilia,
ma perce tal cruelia… tal abalia?