M Albnsir - lqaSida n ixf inu igllin

Rays Mohamed Albnsir
add nbdu yat lqaSida n ixf inu / lHabs
ⵔⵔⴰⵢⵙ ⵎⵓⵃⵎⴰⴷ ⴰⵍⴱⵏⵙⵉⵔ - ⵜⴰⵇⵚⵉⴷⵜ ⵏ ⵍⵃⴰⴱⵙ
ⴰⴷⴷ ⵏⴱⴷⵓ ⵢⴰⵜ ⵍⵇⴰⵚⵉⴷⴰ ⵏ ⵉⵅⴼ ⵉⵏⵓ ⵉⴳⵍⵍⵉⵏ
ⴰⴷ ⴰⵙ ⴳⴰⵖ ⵎⴽⵍⵍⵉ ⴽⵓⵍⵍⵓ ⴳⴰⵏⵜ ⵓⵔⵔⴰⴷ ⵣⴰⵃⵎⵖ
ⵃⵎⴷⵖ ⴰⴽ ⴰ ⵙⵉⴷⵉ ⵕⴱⴱⵉ ⵍⵍⵉⵖ ⴼⵍⵍⴰ ⵜⵊⵎⵎⵍⵜ
ⵉⵎⵎⴰ ⵄⵍⴰ ⴽⵓⵍⵍⵉ ⵃⴰⵍ ⴰⵙⵉⴼ ⵉⴼⵜⴰ ⴰⴷ ⴰⵖ ⵊⵎⵄⴰⵏ
ⴽⵓⵍⵍ ⵎⴰ ⵉⵜⵜⵎⵓⵏⴰⵏ ⴷ ⴳⴰⵔ ⵎⴷⴷⵏ ⵍⵄⵉⴱ ⵢⵉⵡⵉⵜ
ⵏⵥⵔⴰ ⵉⵅⴼ ⵉⵏⵓ ⵏⴽⴽⵉ ⵍⵍⵉ ⵉⵎⵓⵏⵏ ⴷ ⵉⴼⵉⵙ
ⴽⵓⵍⵍ ⵎⴰ ⵉⵜⵜⵎⵓⵏⴰⵏ ⴷ ⴳⴰⵔ ⵎⴷⴷⵏ ⵍⵄⵉⴱ ⵢⵉⵡⵉⵜ
ⵉⵙ ⵏⵥⵔⴰ ⵉⵅⴼ ⵉⵏⵓ ⵏⴽⴽⵉ ⵍⵍⵉ ⵉⵎⵓⵏⵏ ⴷ ⵉⴼⵉⵙ
ⵏⵖⴰⵍ ⵏⵉⵜ ⵉⵙ ⵉⵍⵍⴰ ⵍⴰⵎⴰⵏ ⵏⴹⴼⵔⵜ ⵉⵣⵡⵓⵔ ⴰⵖ
ⵡⴰⵍⴰⵢⵏⵏⵉ ⵃⵎⴷⴰⵖ ⵉ ⵕⴱⴱⵉ ⵏⵏⵉⵢⵢⵜ ⵉⵏⵓ ⵔⵣⵎⵏ ⴰⵖ
ⵍⵃⴰⴱⵙ ⵓⵔ ⵉⵄⵉⴱ ⵉⵜⵜⴱⵏⴰ ⴼ ⵉⵔⴳⴰⵣⵏ ⴷ ⵍⴱⵏⴰⵜ
ⵏⵓⴼⴰⵏⵏ ⴳⵉⵙ ⵓⴽⴰⵏ ⵍⵇⵇⵉⵢⵢⵓⴷ ⴰⵔ ⴽⵓⵍⵍⵓ ⵜⵜⵥⴰⵍⵍⴰⵏ
ⵍⵍⴰⵏ ⴳⵉⵙ ⵟⵟⵍⴱⴰ ⵍⵇⵯⵔⴰⵏ ⴰⴷ ⵙⴰⵍⴰⵏ ⴳⴰⵡⵔⵏ
ⵉⵍⵍⴰ ⴽⵔⴰ ⴹⴰⵎⴰ ⴰⵙ ⴰⴽⵍⵍⴰⵏ ⴰⵔ ⴽⵉⵖ ⵉⵣⵔⵉ ⵡⴰⵙⵙ
ⵉⵍⵍⴰ ⴽⵔⴰ ⴰⵔ ⴰⵍⵍⴰⵏ ⵎⵔⴰ ⴽⴰ ⵢⵓⴼⵉ ⴰⵔ ⴽⵉⵖ ⴷ ⵉⴼⴼⵓⵖ
ⴰⴽⴽⴰ ⵉⵥⵔ ⴷⴷⵓⵏⵉⵜ ⵉⵥⵔ ⵙⵓⵍ ⵍⴰⵃⴱⴰⴱ ⵏⵙ ⵀⵏⵏⴰⵏ
ⵏⴽⴽⵉ ⵉⵎⵓⵔⵉⴳ ⴰⴼ ⴰ ⴽⵍⵍⴰⵖ ⴰⵛⴽⵓⵏ ⵓⵔ ⴷⵔⴽⴰⵖ
ⴰⴷ ⴰⵎⵣⴰⵖ ⴰⴳⵍⵣⵣⵉⵎ ⵓⵍⴰ ⵜⴰⵙⴳⵯⵔⵜ ⴰⴷ ⴳⵏⵏⵓⵖ
ⴽⴰⵢⴳⴰⵜⵜ ⴰⵙⵙ ⴰⵔ ⴰⵖ ⵜⵜⵃⴰⵙⴰⴱⵏ ⵉⵙ ⴰⴽⴽ ⴷ ⵏⵔⵓⵃ
ⵣⵓⵏⴷ ⵓⴽⴰⵏ ⵉⴽⵔⵡⴰⵏ ⵉⵙ ⴰⵙⵏ ⵓⵔ ⵉⵊⵍⵉ ⵢⴰⵏ
ⵍⵃⵙⴰⴱ ⴰⵙ ⴰⴷ ⵏⵜⵜⴼⴼⵓⵖ ⴰⵔ ⵙⵉⵙ ⵏⵜⵜⴳⵉⵡⵉⵔ
ⵓⵔ ⵙⵓⵍ ⵓⴼⵉⵖ ⴰⵏⵎⵎⵓⵙⵙ ⴰⵏⵥⵔ ⵖⴰⵢⴷⴰ ⵔⵉⵖ
ⵉⵍⵍⴰ ⴽⵔⴰ ⵉⴽⴽⴰ ⴳⵉⵙⵏ ⵅⵎⵙⵉⵏ ⵄⴰⵎ ⵓⵔⴷ ⵉⴼⴼⵓⵖ
ⵉⴼⵍⵏⵏ ⴱⴰⴱⴰⵙ ⵉⴼⵍⵏⵏ ⵉⵎⵎⵉⵙ ⵉⴼⵍⵏⵏ ⴰⴷⴷⵊⴰⵔ ⵏⵙ
ⵓⵔ ⴰⵙⵏ ⵉⵎⵎⵉⵎ ⵓⴳⴳⵯⵔⵏ ⵓⵍⴰ ⴰⵎⴰⵏ ⵖ ⵉⵎⵉ ⵜⵜⵀⵓⵡⵡⵍⵏ
ⴽⴰⵢⴳⴰⵜⵜ ⵍⵄⵉⴷ ⴰⵔ ⴰⵍⵍⴰⵏ ⵓⵔ ⴳⵉⵙⵏ ⵜⵜⵀⵏⵏⴰⵏ
ⵎⵔⴰ ⵓⴽⴰⵏ ⵏⵟⵟⴰⴼ ⵍⵄⴰⵇⵍ ⴰⵏⵏ ⵍⴰⴱⴰⵙ ⴷⴰⵔⵏⵖ
ⵡⴰⵍⴰⵢⵏⵏⵉ ⵍⵎⵇⴰⴷⵉⵔ ⵓⵔⵔⴰⵙⵏ ⵅⴷⵎⵖ ⵉⵖⴷ ⵍⴽⵎⵏ
ⵍⵇⵓⴷⵔⴰ ⵍⴰⴱⵓⴷⴷ ⵉⵖ ⵜⵜⵏⵜⵍⵜ ⵢⴰⵏ ⴰⵜⵜ ⵀⵍⴽⵏⵜ
ⴽⵓⵍⵍ ⵎⴰ ⴼⴼⵍⵍⴰⵖ ⵉⵇⵇⴷⴷⵔ ⵎⴰⵡⵍⴰⵏⴰ ⵚⴱⵔⵖ ⴰⵙ
ⵎⵇⵇⴰⵔ ⴼⵍⵍⴰⵖ ⵉⴳⴰ ⵖⴰⵔ ⵍⴱⴰⴹⵍ ⵉⵍⵍⴰⴷ ⵖ ⵍⵍⵓⵃ
ⵉⵙ ⵏⵥⵔⴰ ⵏⵏⴰⴱⵉ ⵙⴰⵢⴷⵏⴰ ⵢⵓⵙⴼ ⵍⵍⵉ ⴼ ⴷ ⵓⵔⴰⵏ
ⵍⵃⴰⴱⵙ ⴰⵜⵜ ⴽⴽⵉⵏ ⵓⵔ ⵏⵖⵉⵏ ⵓⵔ ⵢⵓⴽⵔ ⵖⴼⵔⵏ ⴰⵙ
ⵡⴰⵍⴰⵢⵏⵏⵉ ⴰⵡⴷⴷⵉ ⵍⵎⵅⵣⵏ ⵉⴼⵓⵍⴽⵉ ⴱⴰⵀⵔⴰ ⴽⵉⵏ
ⵉⴳⴰ ⴰⴼⵔⴰⴳ ⵉⵏⵏⴰ ⵖ ⵓⵔ ⵍⵍⵉⵏ ⵓⵔ ⴳⵉⵙ ⵉⴹⵀⵔ ⵢⴰⵜ
ⵡⴰⵏⵏⴰ ⵓⵔ ⵉⵔⵉⵏ ⴰⵖⴰⵔⴰⵙ ⴰⵜⵜⵏ ⴽⴽⵉⵏ ⴰⵜⵜ ⵣⵉⵢⵢⵔⵏ
ⵎⵔⴰ ⵉⵙ ⵓⵔ ⵉⵍⵍⵉ ⵍⵎⵅⵣⵏ ⵉⴳⴳⵓⵜ ⵎⴰ ⵔⴰ ⵉⴳ ⵍⵃⴰⵍ
ⵉⴼⵓⵍⴽⵉ ⵡⴰⵟⵟⴰⵏ ⵏⵜⵜⴰ ⴷ ⵍⵃⴰⴱⵙ ⴰⵜⵜ ⵉⵣⵣⵔⵉ ⵢⴰⵏ
ⵖⵉⵏⵏ ⴰⵖ ⵔⴰ ⵉⵙⵙⵏ ⵎⴰⵜⵜ ⵉⵔⴰⵏ ⴰⵔⵜⵏ ⴳⵉⵙ ⵥⵔⵔⴰⵏ
ⵡⴰⵏⵏⴰ ⵓⵔ ⵉⵥⵔⴰ ⵖⴰⴽⵓⴷⴰⵏⵏ ⴰⵜⵜ ⵙⵓⵍ ⵓⵔ ⵥⵔⵔⴰⵏ
ⵉⵙ ⵏⵥⵔⴰ ⵍⵍⵉⵖ ⵏⵜⵜⵢⵉⵡⵙⵊⴰⵏ ⵓⵔ ⵙⵓⵍ ⵉⵣⴹⵔ ⵢⴰⵏ
ⵍⴰⵃ ⵖⴰⵢⵍⵍⵉ ⴷⴷ ⵉⵎⴷⴷⵓⴽⴽⴰⵍ ⴽⵓⵍⵍⵓ ⵊⵍⴰⵏ ⴰⵖ
ⵎⵏⵛⴽⴽ ⵏ ⵢⴰⵏ ⴰⴷⴷⴰ ⵏⵜⵜⵎⵓⵏⴰ ⴰⵔ ⴷⵉⵙⵏ ⵜⵜⵊⵎⵄⴰⵖ
ⴰⵔ ⴰⵙⵏ ⴰⴽⴽⴰⵖ ⵍⵇⵯⵓⵍ ⵓⵍⴰ ⵏⵏⵉⵢⵢⵜ ⵉⵏⵓ ⴷ ⵍⴰⵎⴰⵏ
ⵏⵛⵔⴽ ⴷⵉⵙⵏ ⵜⵉⵙⵏⵜ ⵏⵛⵔⴽ ⵍⵅⴱⴰⵔ ⵏⴳⵔⴰ ⵜⵏⵖ
ⴰⵔ ⵏⵜⵜⵃⴰⵙⴰⴱ ⵉⵙ ⵉⴳⴰ ⵣⵓⴷ ⵜⴰⴳⵯⵎⴰⵜⵜ ⵉⵣⵔⵉⵜⵜ ⴰⴽⴽ
ⴰⵢⵍⵍⵉⵖ ⵜⵍⵍⴰ ⵜⴰⵙⵙⴰⵙⵜ ⵍⴰⵃ ⴰⵖⵜ ⵓⵔ ⴰⵖⴷ ⵍⴽⵎⵏ
ⵉⵖ ⴰⵜⵜⵃⴰⵙⴰⴱⴰⵖ ⵉⵎⴷⴷⵓⴽⴽⴰⵍ ⵎⵉⵢⵢⴰ ⴷ ⵍⴰⵍⵓⴼ
ⴰⵙⵙ ⴰⵏⵏ ⵜⵏ ⵏⵃⵜⴰⵊⵊⴰ ⵓⵔ ⴰⴷ ⴰⵖ ⵙⵓⵍ ⵉⴹⵀⵔ ⵢⴰⵏ
ⴰ ⵜⴰⴳⵯⵎⴰⵜⵜ ⵓⴽⴰⵏ ⵉⵎⵎⴰ ⵜⵉⴷⴷⵓⴽⴽⵍⴰ ⵇⵯⵏⴹⵖ ⴰⵙⵏⵜ
ⴰ ⵢⴰⵏ ⴷⴰⵔ ⴳⵯⵎⴰⵙ ⴰⵜⵜ ⵉⵃⵓⴱⴱⵓ ⵖ ⵜⴰⵙⴰ ⴷ ⵓⵍ ⵏⵙ
ⵎⵇⵇⴰⵔ ⵜⵍⵍⴰ ⵜⴰⵥⵉⵟ ⵓⵍⴰ ⵍⵄⴷⴰⵡⴰ ⴳⵔⴰⵜⵓⵏ
ⴰⵙⵙ ⴰⵏⵏ ⵜⵍⵍⴰ ⵜⴰⵙⵙⴰⵙⵜ ⵍⴰⴱⵓⴷⴷ ⵎⴰⴷ ⵜⵏ ⵜⵣⵔⵔⴰⵜ
ⴰ ⵢⴰⵏ ⴷⴰⵔ ⵍⵎⴰⵍ ⴰⴷ ⴰⵙ ⵉⵛⵓⵡⵡⵔ ⴰⵜⵜ ⵓⵔ ⵊⵍⵍⵓⵏ
ⴰⵔ ⵉⵙⴽⴰⵔ ⵓⴽⴰⵏ ⵍⵅⵉⵔ ⴰⵎⵔ ⵖ ⴱⴰⴱⴰⵙ ⴷ ⵉⵏⵏⴰⵙ
ⵉⵎⵎⴰ ⴱⵏⴰⴷⵎ ⵣⵓⴷ ⵉⴼⵉⵙ ⴰⵣⵎⵣ ⴽ ⴰⴳⴳⵉⴽ ⴳⵯⵎⵎⵔⵏ
ⴰⵙⵙ ⴰⵏⵏ ⵙⵓⵍ ⵓⵔ ⵉⵍⵍⵉ ⵎⴰⵙⵏ ⵜⴰⴽⴽⵜ ⵔⵡⵍⵏ ⴳⵉⵜⵓⵏ
ⵏⵊⵔⵔⴱ ⵉⵎⴷⴷⵓⴽⴽⴰⵍ ⵓⵍⴰ ⵍⵓⵇⵜ ⵓⵔ ⵉⴹⵀⵔ ⵢⴰⵜ
ⴰ ⵄⴰⵡⵏ ⴰ ⵕⴱⴱⵉ ⵢⴰⵏ ⵉⵜⵜⵔⴱⴱⵓⵏ ⵜⴰⵙⴰ ⴷ ⵓⵍ ⵏⵙ
ⴰ ⴼ ⵓⵃⴱⵉⴱ ⵉⴳⴰⵏ ⴰⵎⵖⴷⴰⵔ ⴰⵔ ⴷⵉⵙⵏ ⵜⵜⵊⵎⵄⴰⵏ
ⵓⵎⵏⵖ ⵙ ⵕⴱⴱⵉ ⵍⵍⵉ ⵖ ⵉⵎⵎⵓⵜ ⵍⵄⴰⵀⴷ ⵏⵜⵜⴰ ⴷ ⵍⴰⵎⴰⵏ
ⵖⴰⴷ ⵉⵣⵔⵉⵏ ⵉⵖ ⵉⵟⵟⴰⴼ ⵍⵅⵍⵇ ⴰⵔⴳⴰⵣ ⵉⵣⵄⵎ ⵙⵉⵙ
ⴰⵙⵙ ⴰⵏⵏ ⴼⵍⵍⴰⵙ ⵍⴽⵎⵏ ⵉⵔⴰⵜⵜ ⴰⴼⵏ ⵎⵇⵇⴰⵔ ⴷ ⵍⵎⵓⵜ
ⵉⵖ ⴰⵙⵏ ⵉⵏⵏⴰ ⴰⵏⵏ ⵜⴰⴽⵯⵉⵜ ⵖ ⵍⵄⴼⵉⵜ ⵢⴰⴽⵯⵉⵏⵏ ⴳⵉⵙⵏⵜ
ⵉⵎⵎⴰ ⵍⵃⵓⴱⴱ ⵏ ⵖⵉⵍⴰⴷ ⵉⵍⵍⴰ ⵖⴰⵔ ⵙ ⵉⵎⵉ ⴷ ⵡⴰⵡⴰⵍ
ⵡⴰⵏⵏⴰ ⴽ ⵢⴰⴷ ⵉⵃⵓⴱⴱⴰⵏ ⴰⵢⵢⵓⵔ ⵏⵖ ⵙⵎⵎⵓⵙ ⴷ ⵎⵔⴰⵡ
ⴰⵔ ⵉⵖ ⵙⵓⵍ ⵓⵔ ⵉⵍⵍⵉ ⵎⴰⵙⵏ ⵜⴰⴽⴽⵜ ⵔⵡⵍⵏ ⵣ ⴳⵉⵜⵓⵏ
ⴰ ⵍⴰⵚⵍ ⴰⵙ ⴰⵜⵜⵉⵍⵉⵏⵜ ⵜⵉⵔⵔⵓⴳⵣⴰ ⴰⴽⴽ ⵓⵔ ⵊⵍⵍⵓⵏ
ⴳⴰⵔ ⵉⵔⴳⴰⵙⵏ ⵡⴰⵅⵅⴰ ⴷ ⵍⵙⴰⵏ ⵍⴱⵣⵉⵡⵉ ⵔⵣⵎⵏ ⴰⵙ
ⵓⵍⴰ ⵍⴽⵓⵎⴱⵍⵉ ⴷ ⵍⵇⴰⵎⵉⵊⴰ ⵉⴳⵔⵓⵏ ⵍⴳⵔⴰⴼⴰⵜ
ⵉⵟⵍⵇⴷ ⵉ ⵍⴼⵔⵉⵣⵉ ⴼ ⵡⴰⵍⵍⵏ ⴰⵔ ⵉⵜⵜⴱⵏⵖⴰⵍ
ⵎⵍⴰ ⵉⵙ ⵉⴳⴰ ⴰⴽ ⵔⵣⵎⵏ ⵍⵇⵍⴱ ⵏⵙ ⴰⵜⵜⵏ ⵜⵣⵔⵔⴰⵜ
ⵀⴰⵜⵉ ⵍⵃⴰⵙⴰⴷⴰ ⴷ ⵍⴽⵓⴼⵔ ⴽ ⴰⵙ ⴽⵓⵍⵍⵓ ⵜⵜⵣⵢⵢⴰⵔⵏ
ⴰ ⵃⵎⴷⵖ ⵉ ⵕⴱⴱⵉ ⵍⵍⵉⵖ ⴰⵖ ⵉⵊⵔⵔⴱ ⴰⵢⵍⵍⵉⵖ ⴷ ⵉⵡⵉⵖ
ⵍⴰⵅⴱⴰⵔ ⵏ ⵎⴰⴷ ⴰⵖ ⵉⵔⴰⵏ ⴰ ⵙⵙⵓⵍ ⵓⵔ ⵊⵍⵍⵓⵖ
ⴰⵡⵉⵖ ⴷ ⵓⴽⴰⵏ ⵍⵅⴰⴱⴰⵔ ⵉ ⵍⴰⵄⴷⵓ ⵉⵏⵓ ⵖ ⴷ ⵏⵜⵜⴰⵏ
ⴰ ⴽⵓⵍⵍ ⵎⴰ ⵉⵜⵜⵉⵏⵉⵏ ⵍⵍⴰⵏ ⵉⵔⴳⴰⵣⵏ ⵖ ⴷⴰⵔⵏⵖ
ⴰⴷ ⴰⵙⴷ ⵉⴳ ⵕⴱⴱⵉ ⵍⵎⵇⴰⴷⵉⵔ ⵉⵅⵯⵛⵏⵏ ⴰⴷ ⵣⵔⵔⴰⵏ
ⵡⵉⵍⵍⵉ ⵖ ⴽⵓⵍⵍⵓ ⴹⵏⵏⴰⵏ ⵍⵅⵉⵔ ⵉⵙ ⵔⴰⴷ ⴰⵙ ⴱⵉⵢⵢⵏⵏ
ⵢⵓⵔⴰ ⵉⵡⴰⵍⵉⵡⵏ ⵉⵙⴳⵉⴷⴷⵉⵜⵜ : ⵎⵓⵃⵎⴰⴷ ⵓⵡⴰⴷⵉ
Mohamed Ouadi
28.06.2024 (2974)
رايس محمد البنسير : لقاصيدا ن لحابس
ادّ نبدو يات لقاصيدا ن ئخف ئنو ئكًلّين
اد اس كًاغ مكلّي كولّو كًانت ؤرّاد زاحمغ
حمدغ اك اسيدي ربي لّيغ فلاّ تجمّلت
ئمّاعلا كولّي حال اسيف ئفتا اد اغ جمعان
كولّ ما ئتّمونان د كًار مدّن لعيب ييويت
ئس نزرا ئخف ئنو نكّي لّي ئمونّ د ئفيس
نغال نيت ئس ئلاّ لامان نضفرت ئزوور اغ
والاينّي حمداغ ئي ربّي نّيّت ئنوزمن ر اغ
لحابس ؤر ئعيب ئتّنا ف ئركًازن د لبنات
نوفانّ كًيس ؤكان لقيود ار كولو تّزالاّن
الاّن كًيس طّلبا لقُران اد سالان كًاورن
ئلاّ كرا ضاما اف اكلاّن ار كيغ ئزري واسّ
ئلاّ كرا ار الاّن مرا كا يوفي ار ئغد ئفّوغ
اكّا ئزر دّونيت ئزر سول لاحباب نس هنّان
نكّي ئموريكً اف اكلاّغ اشكون ؤر درك اغ
اد امز اغ اكًلزّيم ؤلا تاسكًورت اد كًنّوغ
كايكًاتّ اسّ ار اغ تحاسابن ئس اكّ د نروح
زوند ؤكان ئكروان ئس اسن ؤر ئجلي يان
لحساب ار سرس نتّفّوغ ار سرس نتّكًيوير
ؤر سول ؤفيغ انمّوس انزر غايدا ريغ
ئلاّ كرا ئكّا كًيسن خمسين عام ؤرد ئفّوغ
ئفلنّ باباس ئفلنّ ئمّيس ئفلنّ ادّجار نس
ؤراسن ئمّيم ؤكًورن ؤلا امان غ ئمي تّهوّلن
كايكًاتّ لعيد ار الاّن ؤر كًيسن تّهنّان
مرا ؤكان نطّاف لعاقل انّ لاباس دارنغ
والاينّي لمقادير ؤرّاسن خدمغ ئغد لكمن
لقودرا لابود ئغ تّنتلت يان اتّ هلكنت
كولّ ما فّلاّغ ئقدّر ماولانا صبرغ اس
مقّار فلاّغ ئكًا غار لباضل ئلاّد غ لّوح
ئس نزرا نّابي سايدنا يوسف لّي ف د ؤران
لحابس اتّ كّين ؤر نغين ؤر يوكر غفرن اس
والاينّي اودّي لمخزن ئفولكي باهرا كين
ئكًا افراكً ئنّا غ ؤر لّين ؤر كًيس ئضهر يات
وانّا ؤر ئرين اغاراس اتّن كّين اتّ زيّرن
مرا ئس ؤر ئلّي لمخزن ئكًّوت ما را ئكً لحال
ئفولكي واطّان نتّا د لحبس اتّ ئزّري يان
غينّ اغ را ئسّن ماتّ ئرات ارتن كًيس زرّان
وانّا ؤر ئزرّا غاكودانّ اتّ سول ؤر زرّان
ئس نزرا لّيغ نتّيوسجان ؤر سول ئزضر يان
يتبع على الرابط التالي :
https://fb.watch/sZJNxvUPO4/
يورا ئواليون ئسكًيدّيتّ : محمد وادي
28.06.2024 (2974)