Скачать или смотреть Feratê Derdan | Hozan Comerd | Muzîkjen

#cegerxwin #helbestenkurdi #hozancomerd
Feratê Derdan
Derdên min kûr in wek çemê Ferat
Feratê derdan hilat û dahat
Derdê pir mezin, kula pir giran
Derdê Kurdistan, axîna welat

Ez tim dinalim her sal û her mah
Qêrîn û firyad, hawar û sed ah
Digel min digrîn Seyran û Şêrîn
Nalîna dengê Gulnaz û Dilşah

Şêrînê megrî pir pir delal î
Seyranê megrî xwe pir menalî
Gulnazê megrî, Dilşahê megrî
Dijmin li hember vî kevnekalî

Haydê em rûnin bê deng û hawar
Reşa xwe vekin desmal û reşçar
Da dost û heval tev nebin xemgîn
Li me şa nebin dijmin û neyar

Haydê em rûnin ser çemê Amed
Em jê bipirsin keyanîya Med
Kanî ew birc û sera û bajar?
Kanî Kurdistan, zozan û serhed?..

Kanî welatê me xoş û rengîn?
Kanî ew şêr û gernas û bengîn?
Dîsa tev bigrîn Dilşah û Şêrîn
Kûrkûr binalin rengê Cegerxwîn