Kahanga-Hanga

KAHANGA-HANGA
Batay sa Salmo 8
Redentor Corpuz – Eddie Hontiveros, SJ
Album & Scorebook: Purihi’t Pasalamatan

KORO1: Kahanga-hanga ang Iyong pangalan, O Panginoon, sa sangkalupaan;
Ipinagbunyi Mo ang Iyong kamahalan sa buong kalangitan.

1. Pinagmamasdan ko ang langit na gawa ng ‘Yong mga kamay.
Ang buwan at mga bituin na sa langit ‘Yong inilagay. (KORO)

2. O sino kaya siyang tao na Iyong pinagmamasdan?
Ginawa Mong anghel ang katulad, pinuno Mo ng karangalan. (KORO)

3. Malayô man ang tao sa lupa, sakupin man niya ang buwan.
Ikutin man ang kalangitan; ang D’yos din ang dinadatnan. (KORO)

KORO2: Kahanga-hanga ang Iyong pangalan,
O Panginoon, sa sangkalupaan;
Ipinagbunyi Mo ang Iyong kamahalan sa buong kalangitan