Скачать или смотреть كوكا بدون عجينة مورقة محشية بالخضار لن تقاوموا مذاقها

🍕 المقادير:
▪ العجينة:
5 كؤوس فرينة
كأس زيت
كأس ماء دافئ
1 حبة بيض
1 ياغورت طبيعي
2 م ك حليب بودره
1 م ك خميرة الخبز
1 كيس خميرة كيميائية
1 م ك سكر
1 م ص ملح
نخلط الفرينة مع المكونات الجافة و نبسسها بالزيت ، ثم نضيف البيضة و الياغورت و نلمها بالماء الدافئ ، نتحصل على عجينة طرية و متلاصقة.
نتركها تخمر حتى يتضاعف حجمها.

🍕الحشوة:
نقلي 2 حبات جزر مقطعة إلى حلقات رقيقة في 4 م ك زيت نضيف رشة ملح و فلفل ، ثم ننزعها و نتركها جانبا.
في نفس المقلاة و دون إضافة الزيت نضع 2 حبات قرعة مقطعة كذلك دوائر رقيقة و نقليها و نضيف رشة ملح و فلفل اسود ثم نضعها جانبا .
نفس الشيء بالنسبة ل 2 حبات فلفل ..
دائما في نفس المقلاة نقلي حبة بصل كبيرة و نتركها تتكرمل ثم نظيف حبة طماطم مرحية و فص ثوم مع ملح و توابل و نتركها تستوي على نار هادئة..

🍕 نقسم العجينة إلى قسمين متساويين ، نفرد القسم الاول على طول صينية بمقاس 35 سم على 35 بسمك 4 مم.
نثقبها بالشوكة و نبرش عليها قليلا من جبن الشيدار ، ثم نوزع صلصة الطماطم و فوقها حلقات الجزر ، ثم حلقات القرعة و بعدها حلقات الفلفل..
نضيف كمية من الجبن الطري و جبنة الشيدار و نغلفها بالقسم الثاني من العجينة و نلصق الأطراف جيدا..
نثقب سطحها بالشوكة و نقطعها الى مربعات متساوية و ندهنها بصفار بيضة ممزوج بملعقة حليب و نزين كل مربع بحبة زيتون أسود.
نضعها في فرن مسخن مسبقا على 200°..