BOIKIM HAOKIP||Late Lhingkhohat @ Hahat Lachoina

WORDS AND TUNE : PA SEIKHOLEN & NU LHINGJANENG(eldest sister of Nu HAHAT)
MUSIC AND STUDIO : L STUDIO

Verse I
Setlei vangkho ngaicheng kikhenna mun
Hillside hospital a neivai lhah na,
Heu neihin taopeh o nati kamcheng chu
Kalungin alangjinge boi nanung teng o,
Ichung Pathen thilgon ahin Ipelthei lou anangei je.

Heu hoi lam ijot tam nati chu
Kalung laigil in hin mil jou nang katem.

Verse II
Dam ngaija ikom JN Hospital
Lhunkal ngah lel a tong nahin don chu,
Hinlah nahinkho anahuh doh jou talou
Nakhankho kagel jiteng jaitha patbang nem,
Mela mulou nalaigil vanchoi khankho laidip kadam e.

Hungthouvo nemel lompoi nakhulsin,
Kho helou nalaigil venchoi melmu louva..

Verse -III
Nalaitan kon nalunggel dingchu O,
Na vanchoi le nasen angkoi khankho,
Gelna'n laitan mo'n nasomai lonlhin along,
Nachin'in mela mungam lou o anai boi.
Damlai kumkhon hin mil nangem natan kon nalaicha mel chu

Khaleinun thongkot hinhong tadi o,
Hahat somai mel chultam ve tadinge.

Verse -IV
Lomlou khulsin navuisai chungnga hin,
Toingai mel'a mudin hiche lumsong
Kumkho a maang din na angkoiyin ahindoi,
Katoi jemkoi kaina Jaanglumsong nahime,
Naovang kalai kilhepna din Chung Pathen limsolang hinkhun

Hinkhu o Chung Pathen Yejaanglumsong,
Nungteng Vanchoi sangga naovang kilhep nadin

Verse -V
Penpi laijon kachin le katoi cheng,
Kasen angkoi le kasingsung ngaicheng
Kei ngaiyin lolhiin nei kaka da taovin o
Kalaigil vanchoi ding khankho hinto maiyun
Lhaolhan viling thangvan ningkai twipha in hin boh jing nange.

Sen angkoi vanchoi chin le katoicheng
Chung Chollha vahnoija ki mujing nauhite.

(Van vakhu bang chan hungo kanao Hahat.)