၂၀၂၅ မှာ တွေ့ရမယ့် အနောက်ဘက် စစ်မျက်နှာ (ရုပ်/သံ)

ဧရာဝတီ၊ ဇန်နဝါရီ ၁၀၊ ၂၀၂၅

ချင်းပြည်မြောက်ပိုင်း၊ ကချင်ပြည်နယ်နှင့် ရှမ်းမြောက်ရှိ တိုင်းရင်းသားတပ်ဖွဲ့များ၏ အောင်ပွဲကြောင့် စစ်ကိုင်းတိုင်းနှင့် မန္တ‌လေးမြောက်ပိုင်းတို့တွင် အထောက်အကူဖြစ်သကဲ့သို့ ချင်းတောင်နှင့် ရခိုင်ရိုးမရှိ တိုင်းရင်းသားတပ်ဖွဲ့များ၏ အောင်ပွဲသည် မကွေးတိုင်း၊ ပဲခူးတိုင်း၊ ဧရာဝတီတိုင်းတို့အား ကိုင်လှုပ်ပေဦးမည်။

၂၀၂၅ နှစ်ဆန်းမှ စတင်တွေ့ရမည့် အနောက်ဘက် စစ်မျက်နှာသည် ၂၀၂၄ ခုနှစ် ရခိုင်နှင့် ချင်းတောင်ပိုင်း စစ်ရေးအောင်ပွဲများ ရလဒ်ဖြစ်၏။

AA ၏ စစ်ဘက်ဆိုင်ရာ မဟာ‌ဗျူဟာအမြင်နှင့် စစ်ရေးအရ ခေါင်းဆောင်နိုင်မှု၏ ရလဒ်လည်းဖြစ်၏။ အနောက်ဘက် စစ်မျက်နှာသည် ရှည်လျားကျယ်ပြန့်ပြီး တဆက်စပ်တည်းရှိသဖြင့် စစ်အင်အား မလုံလောက်သည့် စစ်ကောင်စီတပ် အနေဖြင့် တားဆီးပိတ်ဆို့ရန် မလွယ်ကူပေ။ အနောက်ဘက် စစ်မျက်နှာသည် ၂၀၂၅ ခုနှစ်တွင် မြန်မာပြည် စစ်ပွဲတခုလုံးအတွက် အလှည့်အပြောင်းဖြစ်လာမည်ဟု သုံးသပ်ရပေသည်။

#မြန်မာ #ဧရာဝတီ #စစ်မျက်နှာ #AA #PIA #မကွေး
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy