خالد ال بريك 🔥👏🏻 العزاوي الدوسرية 🔥 مهداة الى محمد بن فهد ال زابن الودعاني 🔥 كلمات احمد ال عمار

العزاوي الدوسرية
مهداة الى محمد بن فهد ال زابن الودعاني
كلمات احمد ال عمار
اداء خالد ال بريك

كلمات الشيلة

عسعس الليل وخذاني في دجاه بـ راحة ايده
لين ما بان الفجر واستيقظ المذّن لـ اذانه

كنت اشاور هاجس الافكار في بدع الفريده
لين ظهّر لي من اعماق البحور السبع دانه

يتعب الشاعر على ضريبة ابداع النشيده
وده بمعنىً شذا " هيله " يعانق " زعفرانه "

وما تقرّ الفكرة العصما الا راحت شريده
كون للي لا احتما الميقاف صح الله لسانه

ويا خيالي ودي اوصيك في نظم القصيده
مثل يوم ابن الرشيد يوصّي حسين خدمانه

ارم لمغيزل هجوسي حبكه وفكرة جديده
وان فهقت خطاه خف شوي ثم امش مشيانه

وانت ما تلحقك شكه والمواقف لك شهيده
وما يشك الا الردي والطيب وسيعٍ بطانه

هاتها في حضرة اللي امسح المطلع واعيده
كل مطلع ياتي اسم محمد اسمن من سمانه

ابلجٍ لا قالو الرجال يُعرف من عضيده
والله انه ثاني اخواني وانا سابع خوانه

يا محمد والليالي لو تكيد اللي تكيده
ماني مبدّل شواهيق المعالي بالطمانه

وانت اخوي اللي فعوله بالنعم ترفع رصيده
لين بين اسمك وبين ونعم طيحت الميانه

يا ولد من برق طيبه فالعرب يبرا رعيده
فهد ابو راشد ومهما قلت ما وفيت شانه

ويوم اشوف الجد ياخذ من مواريه حفيده
قلت لا شك الحصان عموق جدانه عنانه

جدك اللي تاخذ الدولة من ارياه السديده
وفيه ابن ثاني خليفة ما يشوف احدٍ مكانه

تقبل افواج المراسم بالحكومات الرشيده
ولا مشى موكب خليفة شيف ابن زابن وزانه

ذاك عبدالهادي اللي من سجاياه الحميده
جعل ربي كثر ما يبسط يده يبسط جنانه

المراجل عادةٍ له والحمايا في وريده
ولابس التاريخ تاج وفي يدينه صولجانه

ترثة الاد الحنيشي والمواقيف التليده
الدخيل بضفهم ما عودت عشره ثمانه

يا سلايل من بعج نار المشاهيب الوقيده
يوم عامر خط في برك المسمى خيزرانه

واتسع برك وعزاوي لاد زايد فوق بيده
قادهم ضمين نجد اللي يفاخر به زمانه

ويوم لمبيعيج ناصر سطّر فعولٍ مجيده
جددوها واحفظوها ترثته حفظ الامانه

واكثر سلوم الدواسر في مزاياها العديده
عانها عند الوداعين بفعايلهم مصانه

قلتها وانا من ال عمار وشبوحي بعيده
وبـ اسم سربان المحازم اقف بـ قدر و مكانه

حن قبايل بالفعول الكايده ما حن بديده
مزبن الشيخان لا ضاع بفيافي نجد امانه

حن هل الجدعا ودون السيح يوم اقبل ضديده
جمع من قاد القبايل صوبه اختل اتزانه

وما توفى حسن ابن عمهوج وايامه مديده
دام باقي في حمايا كل عماري بيانه

وكلنا في زايد اللي زودنا بـ اسمه نزيده
ولا تعزوينا بتغلب نعم والله الاستعانه

والدواسر صرح ما هزتْه الارياح الشديده
تجتمع كل العزاوي الدوسريه في بيانه

ونصرة التوحيد مع دوسر علاقتها وطيده
في نهار المعتلا وفي تين تشهدها الديانه

كم وقفنا لـ لا اله الا الله وشرع العقيده
ماقف ابو جعفر المنصور ولا ابو دجانه

حن موسمة العصا وللي زبنا يوم عيده
كنها بيده جواز يدوج به نجد وحصانه

اسمنا خطلان الايدي ما لـ احد اسمٍ نديده
صوبنا التاريخ لا عد الفخر يشر بنانه

..
للتواصل والاستفسارات :
الحسابات الرسمية لـ منصة بصمة الابداع .

‏Official Whatsapp :
الرابط محادثة الواتساب المباشر :
https://wa.me/message/4GKUGHJQFDZTC1
+966562778026


‏Official Twitter :
  / ms3d505  

‏Official Instagram :
  / 2.q76  

‏Official Snapchat :
  / ms3d.505  

ـــــــــــــــــــ