Ny Veasna-សង្ខេប​សៀវភៅ"Entrel Leadership"សហគ្រិនភាពនៃអ្នកដឹកនាំ

សៀវភៅសហគ្រិនភាពនៃអ្នកដឹកនាំ គឺជាមគ្គុទេ្ទសក៍តែមួយគត់ដែលពោរពេញទៅដោយដំបូន្មាន សម្រាប់ម្ចាស់អាជីវកម្មក៏ដូចជាអ្នកដឹកនាំ ដើម្បីធានាឱ្យបាននូវភាពជោគជ័យសម្រាប់ស្ថាប័ន បើទោះបីជាកំពុងស្ថិតក្នុងដំណាក់កាល ឆ្លងកាត់ព្យុះភ្លៀងដ៏លំបាកបំផុតក៏ដោយ។
សៀវភៅនេះ ត្រូវបាននិពន្ធឡើងដោយលោក Dave Ramsey។ លោកគឺជាអ្នកផ្តល់យោបល់ផ្នែកហិរញ្ញវត្ថុ ហើយក៏ជាសហគ្រិនជំនាញម្នាក់ដែលជាម្ចាស់កម្មវិធីវិទ្យុដ៏ល្បីមួយ ត្រូវបានបង្កើតឡើងដើម្បីផ្តល់យោបល់ផ្នែកហិរញ្ញវត្ថុជាទៀងទាត់លើស្ថានីយទូរទស្សន៍ Fox។

លោក Dave Ramsey គឺជាមនុស្សម៉ឺងម៉ាត់ និងអភិរក្សនិយម។ ហើយក្រៅតែអំពីប្រធានបទខាងសាសនា និងរឿងនយោបាយ លោក Dave Ramsey ក៏ផ្តោតលើការសរសេរសៀវភៅជាច្រើននិយាយអំពីក្តីសុបិន និងសហគ្រិនភាព។ គាត់មានចំណេះដឹង និងបទពិសោធន៍ជាច្រើន អំពីការចាប់ផ្តើមអាជីវកម្មខ្នាតតូច ហើយគាត់ក៏ជាមនុស្សម្នាក់ដែលចូលចិត្តចែករំលែកបទពិសោធន៍ និងជំនាញរបស់គាត់ទៅកាន់មនុស្សរាល់គ្នាផងដែរ។

សៀវភៅនេះ នឹងផ្តល់ឲ្យអ្នកនូវបទពិសោធន៍ជាក់ស្តែង ដើម្បីជួយអាជីវកម្មរបស់អ្នកឲ្យរីកលូតលាស់ទៅដល់កន្លែង ដែលអ្នកចង់ទៅ។ សៀវភៅនេះនឹងប្រាប់អ្នកអំពី៖
• វិធីជួយក្រុមរបស់អ្នកឲ្យមានការទទួលខុសត្រូវ និងស្រឡាញ់នូវអ្វីដែលពួកគេធ្វើ។
• វិធីបង្រួបបង្រួមក្រុមរបស់អ្នក និងកម្ចាត់ចោលវប្បធម៌ចាក់រុក និយាយដើមគ្នាក្នុងស្ថាប័ន។
• វិធីគ្រប់គ្រងសាច់ប្រាក់ ដើម្បីរៀបចំអាជីវកម្មរបស់អ្នកឱ្យឈានទៅរកភាពជោគជ័យ។
• វិធីសម្រេចគោលដៅ ដែលអ្នកបានកំណត់ទុក។ តើបញ្ជីកិច្ចការដែលត្រូវធ្វើ យ៉ាងសាមញ្ញមួយអាចជួយអ្នក ដើម្បីសម្រេចក្តីសុបិនរបស់អ្នកបានដោយរបៀបណា?
• ថាហេតុអ្វីបានជាអាជីវកម្មបង្កើតឡើងថ្មីៗ ច្រើនតែជាប់បំណុលធនាគារ?
• ថាហេតុអ្វីបានជាការដាក់ទណ្ឌកម្មដល់បុគ្គលិក មិនមែនជាជម្រើសដ៏មានប្រសិទ្ធភាព ក្នុងការជម្រុញចិត្តពួកគេ ឲ្យបំពេញការងារបានល្អ?
សៀវភៅនេះ គឺល្អបំផុតសម្រាប់៖
• អ្នកគ្រប់គ្រងជំនួញ សហគ្រិន និង CEOs
• សម្រាប់អ្នកណាដែលកំពុងគិតចង់ចាប់ផ្តើមអាជីវកម្មផ្ទាល់ខ្លួន និង បុគ្គលិកសាមញ្ញនៅក្នុងក្រុមហ៊ុន ឬអ្នកដែលចង់អភិវឌ្ឍន៍ខ្លួនទៅជាអ្នកគ្រប់គ្រងឆ្នើម។

ចំណងជើងដើម៖ “Entreleadership” 20 Years of Practical Business Wisdom from the Trenches
អ្នកនិពន្ធ៖ Dave Ramsey
ចំណងជើងជាភាសាខ្មែរ៖ សហគ្រិនភាពនៃអ្នកដឹកនាំ
អ្នកអត្ថាធិប្បាយ៖ Ny Veasna

-ចុះឈ្មោះស្តាប់សៀវភៅដោយឥតិតថ្លៃ
👉 https://bit.ly/37FoJU8
-ចូលGroup Bun Park(ទទួល​បានចំណេះដឹង​ និងព័ត៌មានលម្អិត)
👉 t.me/WERead_BUNPARK_Group
#weread #WEReadAsia #nyveasna