Скачать или смотреть KILIO KWA RAIS SAMIA, BAADA YA MAMIA KUSHUHUDIA YANAYOENDELEA MASHAMBA YA MIWA BAGAMOYO SUGAR

Zaidi ya wakulima 290  kutoka chama wa Chemba ya Biashara, Viwanda na Kilimo (TCCIA) Wilayani Bagamoyo wameiomba  Serikali kuwapatia eneo la  Hekta 2000 lililipo pembezoni mwa shamba  la miwa ya Kiwanda cha Sukari Bagamoyo  ili waanzishe kilimo cha  miwa na kuuza kiwandani hapo kama wazalishaji wa Nje.

Timu ya wakulima na wanachama wa chemba ya biashara,viwanda na kilimo wilaya ya Bagamoyo wakiwa  katika  shamba la miwa la Bagamoyo sugar kujifunza namna ambavyo wanaweza kuanzisha kilimo cha miwa kwa ajili kuuzia kiwanda cha kuzalishia sukari cha Bagamoyo kama wakulima wa nje, wakulima hao wamesema fursa za kilimo cha miwa zilizopo katika eneo hilo ni kubwa na zinaweza kuwanufaisha wadogo wadogo na hivyo kuimba serikali kuwapatia eneo pembezoni mwa shamba hilo ili kuanzisha kilimo hicho ili kuunga mkono juhudi za serikali kuleta mapinduzi ya kilimo.

 Mtaalamu wa kilimo katika shamba hilo Bwana Saguti Ibrahim  ameelezea uwepo wafursa nyingi kwa wakulima wanaozunguka eneo hilo , na hivyo kazi ni wao kuzichangamkia tu.


Mwenyekiti wa Chemba ya Biashara, Viwanda na Kilimo mkoa wa Pwani  Said Mfinanga amesema wanachama hao wamejipanga tayari kuanzisha kilimo hicho lakini wanakwamishwa na upatikanaji wa hati ya eneo hilo ambayo waliomba muda mrefu bila mafanikio.