Скачать или смотреть شيلة

من منطلق ما يلزم الجار قدم الجار
ابشر يا عبدالله ومطلبك عده صار
مالي عذر مهما تعذرت بالاعذار
واللي نصونا دوم نخلص لهم بالنيه
والليا وعدنا مانغير وعودها

يامرحبا ترحيب ما حافه النقصان
ترحيب وافي من مشايخ دول متعان
قدر الحضور من العواني وللضيفان
يا مرحبا ترحيبتاً بالغلا مثنية
في الحله اللي دوم تكرم وفودها

يامرحبا ترحيب في منطقة ثمين
عن شيخ وافي في المواقيف واحمر عين
حُسين ابن متعب ونعمين يا حُسين
هذا الشجيع اللي ينومسك وقت الهيه
من قوم ما تنقض وتخلف عهودها

جنبه رجالاً لابدوا تنجلي الهموم
دعوى الي عيسى علية القوم بين القوم
تاريخهم مشهور من قبل هذا اليوم
وقفاتهم في اليوم الاشهب ماهي منسيه
من هولها الاعداء تفطر كبودها

وان جاء نهاراً فيه شد ومجادله
الدرع ضافي من رجال العبادله
مكيالهم وافي ولا احداً يعادله
الشيخ وافي والقبيلة في صفه حيه
ترهب فعايلها وترهب حشودها

محزم ودرع الشيخ والعارفة سعيد
شيخاً ثقة عن كلمة الحق مايحيد
وتركي فيا الماقف نهار الطلب عضيد
ينوب عن شيخ القبيلة في كل نحيه
ما تختلف لابه وتركي يسودها

متعان عشاق النواميس والقدا
عبس العريقة عبس حرابة الردا
مجداً عزيز ولو غدا الوقت ما غدا
اهل القنا والسيف الاحدب مع الجنبية
والبندق اللي هيبت به حدودها

مدقال شيخ الشمل سلمان بن قراش
من بيت عرف وجاه ماهو ردي ولاش
شوره صواب وهرجته تنهي النقاش
فارق عن الشيخان بالجاه والجاهية
ياكم قضية راي حلل عقودها

والليلة يا نايف خذ العلم والاثبات
متعان قوم الفخر والعز والوقفات
بشيوخها واعيانها صوب حفلك جات
ولو ما انت غالي عندهم ما اعتنوا بالجيه
لابتك في لازمك بانت جهودها

سموك نايف وانت نايف ومعتلي
ماخذ من اسمك رفعة الراس والعُلي
عريب جد وخال ونعم ما يُجهلي
لك في صروح الفخر ملزم ولك ماريه
بانت مواريها وبانت شهودها

ابوك بين الناس له منزله وجاه
يشهد بطيبة قاصي الناس وزملاه
ماجاتك الوافين ياكود من وفاه
جوده ومداته مثل غيمتاً وسميه
من خيرها هلت وفاضت سدودها

واعمامك اللي لا بدأ داعياً وجوب
مافي مباديهم تخله ولا عيوب
عويسي الله يرحمه من هل الوجوب
وسالم صليب الراس ما وقفته مخفيه
يقدم على الهيه لدنت رعودها


واخوانك ادروعك في الماقف العظيم
مالي الحمول الكايدة إلا الكفو ابراهيم
وعبدالله ابو حسين للمعتدي خصيم
والشهم ثامر فيه خير وكرم وحميه
واخوانك الباقين تُعرف مدودها


وجدر العنوه ثابت وراسي ومصيون
من عند ساعد بن حويان ما يهون
سيف المراجل والوفا في يده مسنون
من عزوة المُلك هل السيرة المروية
سيرة نقية سطرتها جدودها

دعوى بني مالك هل الاوله والزود
اهل النقا واهل الوفا نصرة المضهود
لهم في حرب القادسية فعل مشهود
يوم ان رستم صار بجيوشه الفرسية
انهوا زعيم الفرس وانهوا جنودها

وختامها صلوا على سيد البشر
شفيعنا في ساعة الفصل والحشر
وان الصلاة عليه نجزى بها عشر
صلوا على محمد رسول الصمد ونبيه
إعداد ما هبت نسانيس نودها



يوم السبت ليلة الاحد الموافق ١-٦-١٤٤٧هـ