سلاحنا وارد البلجيك ولا الكند 🔥 ولا عطوف يروع الضد مضرابها 🔥 فهد بن فصلا & جفران بن هضبان 2024

سلاحنا وارد البلجيك ولا الكند
ولا عطوف يروع الضد مضرابها الكلمات::

يالله يارافع سبع بليا عمد
دعواتنا في الخفا لاتقفل ابوابها
يامنزل قل اعوذ وقل هو الله احد
رحمتك ماتستعز العالم الا بها
ماعاد عندي على بدع القصايد جلد
صديت لي صدتن مدري وش اسبابها
الشاعر احيان يسهى ويتباسى بعد
بس المواجيب ماهو بيتباسى بها
عن محفل اخواني الغالين مالي مصد
ياقوم ياوقفة الاصحاب لاصحابها
اواعد اللي كفو واجيه قبل الوعد
اعرف حقوق المراجل واحفظ ادابها
اعداد ماذعذع الغربي وحن الرعد
اغلى تراحيبنا بالضيف نبدا بها
ترحيبنا بالضيوف اكثر من اكثر عدد
تستاهلون الحفاوه وانتو اولى بها
ضيوفنا حقها التقدير قبل وبعد
نحفظ وقار اللحا ونقدر اشنابها
يامرحبا سلمنا المتوارث المعتمد
لاياقف العود والدله ياصبابها
الله يبارك لابو ناصر حزام السعد
خطوة نجاحه على دربه طرق بابها
عزالله انه تخير منسبه واجتهد
عزوة فخر يفخر التاريخ بانسابها
بني عجرش ملاذ اللي حياته نكد
من روس روس قحطان وخير نوابها
لاقيل وين انت يامقدام ضرب الركد
ينطح ولدهم نحور القوم ما هابها
لنا نصيب الاسد ولهم نصيب الاسد
مناهج الطيب نكتبها ونقرا بها
حنا الجحادر هل الردة طيور الهدد
ملاذ من حطته بقعا تحت نابها
حنا هل المجلس المفتوح للي وفد
حنا هل الوقفه اللي يحسب حسابها
حنا هل السمعه اللي صيتها للابد
تطرخ بيارق سعدها فوق مرقابها
والضيف والجار والعاني وخال الولد
لهم حقوق علينا مانوصى بها
بني مضيم العريقه فزعة المضطهد
اشاوس مايذوق العز حرابها
من قبل عصر الرفاهيه وعيش الرغد
حقٍ نموت بكرامتنا ونحيا بها
سلاحنا وارد البلجيك ولا الكند
ولا عطوف يروع الضد مضرابها
عاد الظروف الجسيمه حبلها ممسد
من جاء يبي فزعة ما عوّد الا بها
نذبح عيال البل ونذبح عيال النجد
ونذبح عيال الشيوخ اللي يوّسى بها
والمرجله ماهي بملك لاحد دون احد
ما عيّن الراحه الا من تشقوى بها

. . . . .

..
للتواصل والاستفسارات :
الحسابات الرسمية لـ منصة بصمة الابداع .

‏Official Whatsapp :
الرابط محادثة الواتساب المباشر :
https://wa.me/message/4GKUGHJQFDZTC1
+966562778026


‏Official Snapchat :
  / a_thane2  

‏Official Twitter :
  / a_thane2  

‏Official Instagram :
  / a_thane2  

ـــــــــــــــــــ