S.H.Figuarts Shin-Cyclone (Shin Masked Rider) SHF 新旋風號 2+1號 日版

原本無諗住買呢架, 但出左見佢車頭真係幾靚, 好型下, 而且車身用珍珠白, 唔係先前果架新旋風號既純白, 所以就買, 喜歡兩架新旋風號既設計, 好型好時尚。

買既係日版, 但今次好奇怪, 問過好多店舖或賣家, 呢架既日版全係雙封, 真係買咁耐日版都未見過咁情況, 你雙封最多都係 QC check, 但係會抽查, 點會架架都 check, 唔 make sense, 最好笑有兩間舖都話收既成箱都係雙封, 皆旺地庫果間問過, 改造屋又問過, 呢兩間就係咁, 只係覺事有蹺蹊, 結果真係, 買既日版發現車尾紅色 coating 有甩 coat 情況, 唔只咁, 啲焗漆麻麻, 因為有墨屎, 亦有微塵, 亦有啲凹左既窿, 即係廠房噴漆時灰塵處理唔係咁好, 玩開 1/64 車仔做開 qc check 既就會知, 今次都算黑仔, 但算啦, 因為只用左 hkd 440 買, 係 w plaza 做緊特價活動時買, 好彩無係另外兩間更貴既地方買日版, 因為我相信結果一樣, 可能成批車都係有瑕疵既, 講就日版姐, 只係無痴個 label, 但你成堆貨都係大陸生產, 大陸啲監控大把位繞過, 陰謀論講, 其實可以係大陸啲有瑕疵既貨, 去日本可能會比總公司 check qc, 根本唔去得日本, 咁只要唔痴張招紙就算次貨都可以當日版賣, 所以我會懷疑可能港版或行貨單封果堆車今次啲QC 仲更加好, 算啦, 比起改造屋要 hkd600 包30 運費, 平左 hkd160, 咁就食晒啲 sad 位佢囉, 自我安慰良好, 當然, 要我hkd600 買, QC 係咁真係嘔血, 算好彩喇, 平貨我可以接受 sad 位既。咁多 sad 位, 呢架可以粗玩了, 講真, 呢件日版現貨紅色漆面處理認真差。

呢架車最靚係車頭設計, 用既顏色好似高達既配色咁, 本身鐘意高達, 所以就鐘意呢架車車頭配色, 而且佢車窗唔係透明, 係油左浸漆, 同先前架新旋風號全透明又唔同, 咁都算係有啲變化, 無咁單調, 個人覺得係啲燈光打落去時個車窗色彩上又幾靚。

呢架車的確係細左, 雖然車碌同先前新旋風號一樣大, 但中間個骨架做細左, 而且比果架矮好多, 咁樣一個高佬坐上去就好似坐係啲兒童單車上咁, 十分有趣, 所以比較適合身型嬌小既舊一號, 當然唔係新一, 二號兩件牛高馬大既友仔, 先前買嚟都係諗住比悟飯坐, 小童車嘛。

友情客串:
S.H.Figuarts Cyclone (Shin Masked Rider) 新旋風號
Aoshima Kawasaki Ninja H2R
Aoshima Yamaha VMax
Tamiya Suzuki Hayabusa GSX1300R