Скачать или смотреть కాశీలో దశాశ్వమేధ ఘాట్ లో ఉన్న ఈ ఆలయ విశేషాలు తెలుసుకోండి | కోర్టు సంబంధిత కేసులు పరిష్కారం కోసం

కాశీ విశ్వేశ్వరాయ నమః

బందీ దేవి ఆలయ గూగుల్ మ్యాప్ కోఆర్డినేషన్

Sri Bandi Mata
https://maps.app.goo.gl/irGTegvYv7Zyj...

రామ మందిరం (ప్రయాగ మాధవుడు) ఆలయం
https://maps.app.goo.gl/TtkuHRRPv5xfA...

కాశీలో మనకి సాధారణంగా ముక్తిని ప్రసాదించే దేవి దేవతలే ఎక్కువగా దర్శనమిస్తూ ఉంటారండి. మన ఐహికపరమైన కోరికలు కోరుకోవడానికి కాశీ సరైన ప్రదేశం కాదు ఒకవేళ కోరుకున్నప్పటికీ కూడా వాటిని తీర్చే శక్తి కొంతమంది దేవతలకు మాత్రమే ఉంది. అందు గురించే కాశి వచ్చి కోరికలు కోరకూడదు అంటారు మన పెద్దలు. అయితే ఈరోజు మాత్రం మనం ఈ వీడియోలో తెలుసుకునే అమ్మవారిని నిస్సందేహంగా మనం మన కోరికని కోరవచ్చు. చల్లని తల్లి, నిగల భంజని అయిన అమ్మవారు ఆ కోరికను కూడా అలాగే తీరుస్తుంది. త్రేతా యుగంలో శ్రీరాముడు కూడా ఈ అమ్మవారిని పూజించినట్లు చెబుతారు. మీరు ఈ గుడిలోకి ప్రవేశించిన వెంటనే ఇక్కడ ఉన్న తలుపులకి కొన్ని వందల తాళాలు వేసి ఉండడం కనబడుతుంది. అసలు ఈ గుడిలో ఇన్ని తాళాలు వేయడం వెనక ఉన్న రహస్యం గురించి మరియు ఈ మందిరంలో ఉన్న దేవీ దేవతల గురించి, ఈ గుడికి ప్రయాగ రాజ్ త్రివేణి సంగమానికి ఉన్న సంబంధం గురించి మనం ఈ వీడియోలో తెలుసుకుందామండి.

కాశీఖండం 70 వ అధ్యాయంలో కాశీని రక్షించే దేవీ దేవతల గురించి వివరిస్తారు. ఇదే అధ్యాయంలో ప్రయాగ తీర్థంలో స్నానం చేసి అక్కడే ఉన్న బందీ దేవిని పూజించిన భక్తులకు ఇనుప సంకెళ్ల నుండి విముక్తి కలుగుతుంది అని వివరించారు. ఈ శ్లోకంలో చెప్పిన ప్రయాగ తీర్థమే ప్రస్తుతం మనకి కనబడుతున్న దశాశ్వ మేధ ఘాట్ మరియు పక్కనే ఉన్న ప్రయాగ ఘాట్. ఎవరైనా కనుక తప్పుచేసి జైలులో ఉన్నా, లేదా కొందరి దుర్బుద్ధి వలన మనం చేయని తప్పులకు కూడా శిక్ష అనుభవిస్తున్న ఈ అమ్మవారిని మంగళవారం రోజు పూజించి ఆ రోజున ఏకభుక్తం అంటే ఒక పూట మాత్రమే ఆహారం స్వీకరించి ఇంకొక పూట ఉపవాసం ఉండినట్లయితే అమ్మవారు కరుణించి మనకు సంకెళ్ల నుండి విముక్తి కలుగజేస్తుంది. ఇనుప సంకెళ్లననే తెంచగలిగే ఆ మహాతల్లికి మన మామూలు సాధారణ గొలుసులు తెంపడం పెద్ద పని ఏమీ కాదు కదండీ. మన స్నేహితులు కానీ బంధువులు కానీ కారాగారంలో ఉండినట్లయితే వారి తరఫున మనం ఈ అమ్మవారిని పూజించిన కూడా సత్ఫలితాలను పొందగలుగుతాం. కాశీఖండంలో ప్రస్తావించిన ఈ అమ్మవారిని శ్రద్ధ భక్తులతో పూజిస్తే గనుక మన సకల కోరికలు తీరి సర్వ మనోరధములు కలుగుతాయి. అంతేకాకుండా మనల్ని ఎవరైనా దురుద్దేశంతో దోషులుగా చిత్రీకరించే ప్రయత్నం జరుగుతుంటే కనుక అమ్మవారు వారికి తగిన గుణపాఠం చెప్పి తన భక్తులను రక్షిస్తుంది. అందుకే చాలామంది భక్తులు కేసు ఇంకా కోర్టులో ఉండగానే ఈ అమ్మవారిని దర్శించుకుని ఇక్కడ ఈ వీడియోలో చూపుతున్న విధంగా తలుపులకి తాళం వేసి తాళం చెవిని గంగానదిలో విసిరేస్తారు. తద్వారా కోర్టు గొడవలు, ఇతరత్రా గొడవలు అతి త్వరగా పరిష్కారం అవుతాయని భక్తుల విశ్వాసం.