Скачать или смотреть ရန်ကုန်သမိုင်းကိုပြောတဲ့ ကန်တော်ကလေးဒုတိယပိုင်း

♦ရန်ကုန်သမိုင်းကို ပြောတဲ့ ကန်တော်ကလေးဒုတိယပိုင်း

ယနေ့ ကန်တော်ကလေးက #မြန်မာ့ဂုဏ်ရည်လမ်း ကို အင်္ဂလိပ်ခေတ်ကတော့ Culvert Road (ကားလ်ဘတ်) လမ်းလို့ ခေါ်တယ်။ Culvert ဆိုတဲ့အဓိပ္ပါယ်က ရေမြောင်း၊ လမ်းအောက်မှာထည့်ထားတဲ့ ရေမြောင်း (drain) ကို ရည်ညွှန်းပြီး ခေါ်တာပါ။ တချို့ကလည်း မြန်မာအသံထွက် ပီပီသသကလေးဖြစ်အောင် ကာလပတ်လမ်းတဲ့။ ၁၉၅၆ မှာတော့ မြန်မာ့ဂုဏ်ရည်လမ်းလို့ ပြောင်းလဲခေါ်ဆိုခဲ့ပါတယ်။ ဦးဖိုးကျားရဲ့ "မြန်မာ့ဂုဏ်ရည်" အမည်ရတဲ့စာအုပ်ဟာ ကျောင်းသုံးစာအုပ် အဖြစ် ပြဌာန်းခံခဲ့ရပြီး ဒီမြန်မာ့ဂုဏ်ရည်ပုံနှိပ်တိုက်မှာပဲ ရိုက်နှိပ်ထုတ်ဝေခဲ့တာ။ ဒါ့ကြောင့် အမျိုးသားပညာဝန် ဦးဖိုးကျား တည်ထောင်ခဲ့တဲ့ မြန်မာ့ဂုဏ်ရည်ပုံနှိပ်တိုက်ရှိရာလမ်း မြန်မာ့ဂုဏ်ရည်လမ်းပေါ့ ဒီလိုပြောင်းလာခဲ့တာပါ။

♦ဦးဖိုးကျားလမ်း ယခင် စိန့်အန်ထော်နီလမ်း နဲ့ ဘုရားကျောင်း (Saint Anthony)

မြန်မာ့ဂုဏ်ရည်လမ်းကနေ ဘူတာကြီးရှိရာ ကွမ်းခြံလမ်းအထိ ဆက်ထားတဲ့ ဘုရားကျောင်းအနောက်ဘက်ကပ်လျက် လမ်းဖြတ်ကို မူလက စိန့်အန်ထော်နီလမ်းလို့ ခေါ်ပါတယ်။ ၁၈၇၅ မှာ အုတ်မြစ်ချပြီး ၁၈၇၇ မှာ ပြီးစီးဖွင့်လှစ်ခဲ့တဲ့ စိန့်အန်ထော်နီဘုရားကျောင်းကို စတင်ဖွင့်လှစ်ကတည်းက ၁၉၄၆ ထိ ပြင်သစ်နိုင်ငံ ပါရီမှ နိုင်ငံခြားမစ်ရှင်ဘုန်းတော်ကြီးများက ဦးစီးပြီး၊ ၁၉၄၆ မှ ယနေ့ချိန်ထိ တမီးလ်ဘုန်းတော်ကြီးများမှ ဦးစီးဆောင်ရွက်လျက်ရှိပါတယ်။ ၁၉၇၇ ခုနှစ်မှာ နှစ်တရာပြည့်ခဲ့ပြီး ရာပြည့်အထိန်းအမှတ်အဖြစ် စိန့်အန်ထော်နီရုပ်တုကို ဘုရားကျောင်းအဝင်မှာ စိုက်ထူထားတာ တွေ့နိုင်ပါတယ်။ နောင်မှာ အမျိုးသားပညာဝန်ဦးဖိုးကျားအား ဂုဏ်ပြုလို့ စိန့်အန်ထော်နီလမ်းမှ ဦးဖိုးကျားလမ်းလို့ ပြောင်းလဲခေါ်တွင်ခဲ့ပါတယ်။ #interest #history #buddhism #country #youtube #money #change #street #road