Скачать или смотреть Proja so kajmak i dzimirinki l Hrana i Vino MKD

ПРОЈА СО КАЈМАК И ЏИМИРИНКИ

400 г пченкарно брашно
180 г брашно
200 мл газирана вода
2 јајца
1 прашок за печиво
300 г кајмак
200 г џимиринки
150 г сирење
1 лажица медитеранска мешавина од зачини
масло за јадење

Potrebno vreme za podgotovka na ova predjadewe e 70 - tina minuti.

Во длабок сад ги кршиме јајцата и ги матиме со жица. Ги додаваме газираната вода и 200 мл масло, и мешаме со жицата. Потоа ги додаваме двата вида брашно и прашокот за печиво, и мешаме додека смесата не соедини. Џимиринките ситно ги сечкаме и ги додаваме во садот. На крупната страна од рендето во садот го рендаме сирењето и ја промешуваме смесата. Тркалезниот калап бр 26 го намрсуваме со масло и го набрашнуваме. Ја нанесуваме подготвената смеса во калапот и го ставаме во рерна. Печеме 40 минути на 200 степени и го вадиме од рерна.
Со лажица ја премачкуваме испечената проја со кајмакот. Наросуваме со медитеранската мешавина од зачини и го враќаме калапот во рерна. Печеме уште 10-тина минути на 250 степени и го вадиме калапот од рерна. Откако пројата малку ќе се излади го отстрануваме страничниот дел од калапот. Ја сечеме пројата на триаголни парчиња.
На даска за сервирање ги редиме парчињата Проја со кајмак и џимиринки, и ги декорираме со половинки црни маслинки. Декорацијата ја завршуваме со една цела маслинка на средината на чинијата.

Со ова предјадење ви предлагаме да се напиете квалитетно суво бело вино. Се служи на температура од 10-12 степени.

Добар апетит.

www.hranaivino.com.mk
www.hranaivino.tv