Скачать или смотреть #نخوة_سبيع

يالله بجاهك لاغدا العلم علمين
واشتدت الوقفه وطار المنامي

حنا سلاطينن سلالة سلاطين
ووقفاتنا دون الامور الجسامي

اوجيهنا تعفي وتطلق مساجين
وقفت بني عمي تثبت كلامي

في ساعتن تخلف كفوف الموازين
ناخذ من الامجاد راس السنامي

تكفون يا التجار يا اهل الملايين
العلم حامي وموقف سبيع حامي

انتم هل الوقفات وانتم هل الدين
وانتم هل الفزعات شرق ٍ وشامي

السيف والسجان والموقف الشين
خلت نهاره مثل لليله ضلامي

راشد وينخاكم يبي الموقف الزين
ومن يرخص الغالي عداه الملامي

يشكي بني عمه هل العسر والين
ويرجي وينخا ( عزوتي ياحزامي )

يالله بعلم ٍ يبهج الصدر والعين
الاد عامر في القسى ما تضامي

حنا هل الرده كعام المعادين
خيالات الهدلا نهار الزحامي

اليا دعا الماقف محنا مصدين
ميقافنا يشفي كبود الضوامي

اكفوفنا تندا من اول وذلحين
ولنا مع الحكام فعل و مقامي

مابه عذر لو مامسكنا ،، الملايين
و من يعتذر منا عليه السلامي

فيصل بن راجس