Shekide qachaqlarin gizlendiyi magaralardan XUSUSİ REPORTAJ

Abone OL: https://goo.gl/W99fFm

Copyright © ARB Şəki

Sayt: https://goo.gl/NfKDu5
Facebook: https://goo.gl/XVhVzG
Dağlarda mağaralara tez-tez rast gəlmək olar. Nəzərə alsaq ki, Azərbaycan Böyük və Kiçik Qafqaz dağlarının əhatəsində yerləşir, bu təbii haldır. Bir çox mağara sadəcə vəhşi heyvanların məskunlaşdığı yerlərdir. Ancaq tarixi əhəmiyyəti olan mağaralar da var. Şəkinin dağlarında da belə mağaraların olduğunu eşitdik və dağlara üz tutduq.. Tapdığımız bu mağaralarınsa maraqlı tarixçəsi üzə çıxdı...
Şəhərdən min metrə yaxın yüksəklikdə yerləşən mağaralara yol dar cığırdan keçir. Əvvəl qalxmaq çətin olsa da, bir müddət sonra yol normallaşır. Elə ilk baxışdan anlamaq olur ki, bu cığırlar yeni deyil və tarixə malikdir. Mağaralardan ilki dəniz səviyyəsindən 900 metr yüksəklidə yerləşir. Əlbəttə illər keçdiyi üçün mağaranın ağzı dolub və girişi kiçilib. Lakin içərisinə daxil olduqda çox aydın şəkildə mağaraya insan əli dəydiyi məlum olur. Mağaraları ortaya çıxaran isə dağ bələdçiləridir. Elə bizə də bələdçilik edən həmin şəxslərdən biri mağaranı təsadüf nəticəsində tapdığını deyir. Mağaranın divarlarının səliqəsi vaxtilə burada insanların gizləndiyini aydın şəkildə göstərir. Görünür, mağarada qalmaq üçün burada ona uyğun şərait yaradılıb. Bu mağaranın ardınca eyni şəkildə daha iki mağara da mövcuddur. Mağaraların içərisində xırda tunellər də var. Hesab edilir ki, vaxtilə bu tunellər sayəsində mağarada gizlənən qaçaqlar bir-birinə xəbər ötürüb və ya nəsə göndərib. Hazırda mağaraların vəziyyəti heç də ürəkaçan deyil. Belə ki, girişləri tamamilə dolan bu tarixi abidələr bir müddət daha baxımsız qalarsa yox ola bilər. Halbuki mağaraların çox böyük tarixi əhəmiyyəti var. Həmçinin dağ turizminin inkişafı üçün bu cür abidələrin bərpa edilməsi vacibdir.