Скачать или смотреть സൗദിയിലെ വാദി ലജബിന് പിന്നിലെ നിഗൂഢ ചരിത്രം | Mystic history of Wadi Lajab | Saudi Story Archive

സൗദിയിലെ വാദി ലജബിന് പിന്നിലെ നിഗൂഢ ചരിത്രം | Mystic history of #wadilajab | Saudi Story Archive

കോടമഞ്ഞ് പെയ്തു തീരാത്ത അബഹ ഉൾപ്പെടുന്ന അസീർ പ്രവിശ്യ. അതിനെ ചേർത്തു നിർത്തുന്ന പ്രവിശ്യയാണ് ജിസാൻ. അസീർ പ്രവിശ്യയുടെ ഭൂരിഭാഗവും കുന്നിനു മുകളിലാണ്. തണുത്ത പ്രദേശം. അതിന് താഴെയാണ് കത്തുന്ന ചൂടുള്ള ജിസാൻ പ്രവിശ്യ. സൗദിയിലെ തന്നെ ഏറ്റവും പുകയുന്ന ചൂടുള്ള പ്രദേശം. ആ മരുപ്രദേശത്തിന്റെ ഹൃദയം നനക്കുന്ന ഭാഗമാണ് അൽ റൈത്ത് ഗവർണറേറ്റിലെ വാദി ലജബ്.

ജിസാൻ പട്ടണത്തിൽ നിന്നും 140 കി.മീ ദൂരം. കുന്നും മലകളും ചുരങ്ങളും നിറഞ്ഞ വഴിയായതിനാൽ രണ്ടര മണിക്കൂറെങ്കിലും എത്താൻ സമയം കാണണം. വാദി ലജബ്‌ താഴ്വരക്ക് അടുത്ത് കടകൾ കുറവാണ്. ഇതിനാൽ വാഹനത്തിൽ അത്യാവശ്യ ഭക്ഷണ സാധനങ്ങൾ കരുതണം.

അൽ ഖഹ്ർ എന്നും സഹ്‍വാൻ എന്നുമാണ് വാദി ലജബ് ഉൾക്കൊള്ളുന്ന പർവത നിരക്ക് പേര്. ദശലക്ഷക്കണക്കിന് വർഷങ്ങൾക്ക് മുമ്പ് ഈ പ്രദേശത്ത് അഗ്നിപർവ്വത, ഭൂകമ്പ പ്രവർത്തനങ്ങളാൽ രൂപപ്പെട്ട ഒരു വിള്ളൽ.