චාල්ස් ඩාවින්ගේ ලයිකන එකතුවේ භාරකාරිනිය | Talk With Chathura

ආචාර්ය ගෝතමී වීරකෝන් ලන්ඩනයේ ශාක සහ සත්ත්ව ස්වභාවික විද්‍යා කෞතුකාගාරයේ ලයිකන අංශයේ භාරකාරවරියයි.

ක්‍රි.ව. 1600 සිට මේ දක්වා චාල්ස් ඩාවින් ඇතුළු ලොව පුරා විද්‍යාඥයින් ගණනාවක් ලෝකයේ විවිධ ස්ථානවලින් එකතු කරන ලද ලයිකන ලක්ෂ 05කට අධික ප්‍රමාණයක් ඇය භාරයේ තිබෙනවා.

ලොව ඖෂධ නිෂ්පාදනයෙන් 60% කට වඩා වැඩි ප්‍රමාණයක් නිෂ්පාදනය කරනු ලබන්නේ ලයිකන ආශ්‍රිතව නිස්සාරණය කරගත් සංඝටක ආශ්‍රිතවයි.

ලොව සුවඳ විලවුන් කර්මාන්තයේ ඉහළින්ම කියවෙන සන්නාම 10ක පමණම නිෂ්පාදනය රැඳී පවතින්නේ ලයිකන ආශ්‍රිත සංඝටක මතයි.

එමෙන්ම ලොව ප්‍රබල ජෛව නිදර්ශකයක් වන ලයිකන ආශ්‍රිතව පිළිකා සඳහා ඖෂධයක්ද, නිර්මාණය කිරීමට පර්යේෂකයන් මේ වනවිටත් කටයුතු කරනවා.

ඒ අනුව ලයිකනයක වැදගත්කම සේම අප පරිසරය පිළිබඳ දක්වන අල්ප අවබෝධය නිසා විනාශ වන මෙම වටිනා ජීව කොට්ඨාසය පිළිබඳව මෙතෙක් ඔබ නොදන්නා පරාසයන් ඔස්සේ මෙම වැඩසටහන අප මෙහෙයවනු ලබන අතර පර්යේෂණ කණ්ඩායම් සමග ඇන්ටාටිකාවේ සිට ලොව පුරා මහද්වීප සියල්ලෙහිම සංචාරය කොට ඇති ඇය ලාංකීය කාන්තාවට පරමාදර්ශයක් වන්නා සේම, කාන්තාවට ලෝකයේ ජයගත නොහැකි ඉලක්කයක් නොමැති බව තහවුරු කර ඇති චරිතයකි ඇය.

ඇය ටෝක් විත් චතුර අනෙකුත් ආරාධිතයන් මෙන්ම අප සමාජයට භාරකරන්නේ හඬක් නැති මෙම විෂය ක්ෂේත්‍රයන් පිළිබඳ දැනුම ලබාගන්නටත්, බොල් චරිත පොරවල් වූ සමාජයට පිරුණු කළ තව බොහෝ ඇති බව පෙන්වන්නට දරන වෑයමේ කොටසක් ලෙසිනි.