Скачать или смотреть સાદ પાડીને મે તો શ્યામ ને બોલાવ્યો - થાળ - વસંત બેન ( થાળ લખીને નીચે આપેલ છે)

સાદ પાડીને મે તો શ્યામ ને બોલાવ્યો
જશોદા નો લાલો વાલો જમવા પધાર્યો

પલોઠી વાળીને ઈ તો બેઠો છાનો માનો
ઈશારા થી ખાવા માગે નટવર નાનો
જશોદા નો લાલો વાલો જમવા પધાર્યો...

ઉનો ઉનો બાજરા નો રોટલો બનાવ્યો
આખા અડદ નું શાક બનાવ્યું
જશોદા નો લાલો વાલો જમવા પધાર્યો...

દહીં નું મટુકુ મે તો પાસે મેલી દીધું
રીંગણાં નો ઓળો કરી મસાલો મિલાવ્યો
કુણી કુણી કાકડી નું રાયતું બનાવ્યું
જશોદા નો લાલો વાલો જમવા પધાર્યો...

ગુંદા ને ભરીને મે અથાણાં બનાવ્યા
મરી ને મસાલા વાળો પાપડ તળાવ્યો
સાદ પાડીને મે તો શ્યામ ને બોલાવ્યો
જશોદા નો લાલો વાલો જમવા પધાર્યો....

ભાખરિયો લાડુ મારા લાલા ને ધરાવ્યો
ઉટકેલો જળ નો લોટો ભરી મે તો મેલ્યો
મુખવાસ માં સોપારી નો ચૂરો મે બનાવ્યો
જશોદા નો લાલો વાલો જમવા પધાર્યો....

જમી પરવારી એણે મારા સામુ જોયું
મારી સામું જોયું મારું મન હરી લીધું
ગોપિયું નો થાળ મારા લાલા ને બહુ ભાવ્યો
જશોદા નો લાલો વાલો જમવા પધાર્યો....
સાદ પાડીને મે તો શ્યામ ને બોલાવ્યો
જશોદા નો લાલો....