TORNA A SURRIENTO (CLAUDIO VILLA - CETRA 1973)

Bellissima canzone classica napoletana di G.B. De Curtis e Ernesto De Curtis, composizione del 1905, magistralmente interpretata da Claudio Villa. Dall'Antologia della Canzone Italiana- Vol. 1. CETRA 1973. Orchestra dell'Unione MusicistI di Roma diretta dal M° Giancarlo Chiaramello.

TORNA A SURRIENTO
G. B. De Curtis E. De Curtis

Vide 'o mare quant'è bello,
spira tanto sentimento,
comme tu, a chi tiene mente,
ca scetato 'o faje sunná.
Guarda guá' chisti ciardine,
siente sié' sti sciure 'arancio,
nu prufumo accussí fino
dint''o core se ne va.
E tu dici: " I parto, addio!"
T'alluntane da stu core.
Da sta terra de ll'ammore,
tiene 'o core 'e nun turná?
Ma nun me lassá,
nun darme stu turmiento.
Torna a Surriento!
Famme campá!
Vide 'o mare de Surriento
che tesoro tene 'nfunno.
Chi ha girato tutt''o munno,
nun ll'ha visto comm'a ccá!
Guarda attuorno sti Sirene,
ca te guardano 'ncantate
e te vònno tanto bene.
Te vulessero vasá.
E tu dici: "I parto, addio!"
T'alluntane da stu core.
Da sta terra de ll'ammore,
tiene 'o core 'e nun turná?
Ma nun me lassá,
nun darme stu turmiento.
Torna a Surriento!
Famme campá!