Скачать или смотреть MAKALA YETU-09 | UFUGAJI WA KAMBALE

Kambale ni aina ya samaki ambao wanafugwa kwenye maji baridi na wana uwezo wa kustahimili mazingira magumu ukilinganisha na samaki wengine.Samaki hawa wapo spicies au wanatajwa kwa majina mbalimbali kulingana na eneo na jamii husika majina hayo ni kama vile, kambale channel,koleo,samaki kidevu,samaki wa kwenye matope. n.k.
Samaki hawa (kambale) wanakua kwa kiasi kikubwa sana hadi kufikia uzito wa kilo 3 na kuendelea. Kambale hawana magamba na wana uwezo wa kustahimili upungufu mkubwa wa oxygen kwenye maji ya bwawa kwa sababu kibiolojia wana mifumo miwili ya upumuaji katika mwili wao.
Asili ya samaki hawa ni Amerika ya Kaskazini. Samaki hawa hukua kwa haraka sana, na kuwa na uzito mkubwa. Aina hii ya samaki hupendwa na watu wengi kwa kuwa nyama yake ina ladha nzuri na ni laini sana na pia ina vitamini A. Samaki hawa huzaliana vizuri zaidi wanapokuwa mtoni au sehemu ambayo wanapata tope.
Hata hivyo Njia za kiafya za kufurahia ulaji wa samaki wa kambale ni kwa kuwaoka, kuwachemsha, kuwapika kwa mchuzi, kuwakaanga kwa mafuta kidogo.hivyo chagua ni lako ukiwa kama ulaji wa samaki huyu.
Mfugaji anapokusudia kufuga aina hii ya samaki kibiashara, ni vyema kama ataweza kusakafia bwawa au kutumia nailoni ngumu ili kuepuka uharibifu unaoweza kusababishwa na samaki hawa. Kambale wakufugwa kwenye mabwawa hawazaliani kabisa kwani mazingira ya ufugaji wa kwenye mabwawa sio mazuri kwao katika kuzaliana.Hawa wanazalishwa kitaalamu kwa kutumia Hormone na ukuaji wake ni mzuri zaidi kuliko wale wanaozaliana wenyewe.
Samaki aina ya kambale wana umbo refu, pia ni wapana kuanzia shingoni, ingawa kichwa ni kidogo, na upande wa mkia ni mwembamba. Samaki hawa wana rangi ya kijivu na wengine nyeusi