Скачать или смотреть 1217)काडसिद्धेश्वर म पुण्यतिथि | Arvind P Patil

🕉👏श्री सद्गुरुकृपा -(प्र. १२१७ दि. १६/८/२५ ) आमचे परमप्रिय सद्गुरु श्री काडसिद्धेश्वर महाराज दि. १६/८/२००१
रोजी मुंबई येथे व्यापक झाले. त्यांना समर्पित केलेली आर्या आपण पहाणार आहोत.
१६ आगस्ट २००१
💐आर्या - सद्गुरु समाधि 💐
एकोणीसशे तेवीस शक
श्रावण मास कृष्ण पक्षात ।
द्वादशीस झाले लीन,
गुरु काडसिद्ध स्वरूपात ।१।

दिन गुरुवार होता,
सायंकाळी पावणे पाचास मुंबईत ।
ज्योतीस ज्योत मिळाली
पार्थिव गोरेगांव आश्रमी दर्शनास ।२।

दुसरे दिनी महायात्रा निघाली
सिद्धगिरी मूळ पिठास ।
निर्वाणशेज रचली भूमि उदरी
काडप्पा मंदिरात ।३।

शनिवार सकाळी गीतापाठ स्तोत्र
लिंगायत धर्म परंपरेत।
श्री काडसिद्ध स्वामी झाले
समाधिस्थ मूळ स्वरुपात ।४।

धन्य जननी जन्मभूमि
स्थिर जिथे काडसिद्ध योगिराज
भक्त साष्टांगे वंदिती
प्रेममूर्ति सद्गुरु राज ।५।
॥ श्री सद्गुरुर्पणमस्तु ॥
💐महाराज सर्वांतरयामी विराजमान झाले. महाराजांनी सगळ्यांना काय सांगितले ? मी तुम्हाला अमरच केलय. संस्कृत शिकतांना मी अमरकोष पाठ केला तो मी तुम्हाला घातलाय. माझी मुले मरणारच नाहीत. मी आत्मा आहे हा त्यांचा निश्चय झालाय. महाराजांच्या बोधाप्रमाणे मी हे अमरकोष पुस्तक प्रकाशित केलय. यातून महाराज काय सांगतात- येतो जातो जरी या देही जन्म मरण नाही आम्हा जन्म मरण नाही. मुंगीच्या पावलात देव आहे मग तुमच्या मधे देव नाही का ? आता देवावर विश्वास ठेवायचा की देहावर ?
याचा विचार करा तुम्ही.
महाराजानी शुद्ध ज्ञानाचा उपदेश केला आहे. तत्त्वमसि महावाक्य बोध केला आहे. श्रवण मनन आणि निदिध्यासन
याच अनुसंधान सातत्याने ठेवा. यासाठी सकाळी काकड आरती पासून शेजारती पाळण्या पर्यंत नियमावली चालु ठेवायची. सतत स्वरुपाचेच अनुसंधान ठेवायचे. यामुळे आपण सारे अमरच आहोत. म्हणून आपण म्हणतो - मयि एव सकलम् जातम् मयि एव प्रतिष्ठितम् । मयि सर्वम् लयम् याति तद् ब्रह्मा अहम् अद्वयम् । ते ब्रह्म मीच आहे. असा आपला निश्चय झालेलाच आहे. आपण सारे मुक्त च आहोत.
जय काडसिद्ध । जय काडसिद्ध ॥