Скачать или смотреть الولد ماتظهره غير المواقف والشدايد - خالد ال بريك 2026 شيلات خالد ال بريك & سلطان الحويقل

الولد ماتظهره غير المواقف والشدايد - خالد ال بريك 2026 شيلات خالد ال بريك & سلطان الحويقل


لايك للفيديو + إشترك معنا
Sheilat Board
للطلب الشيلات والتصميم
0553409525
‎فعل الجرس 🛎
‎ليصلك كل جديد
طال ليل اللي يلد العين لـعيون القصايد
اه ياعينن من الدنيا مطاولها سهرها

لا بغيت احط راسي من على بيض الوسايد
كني احطه على نارن تلضّى من سعرها

لو تساومني بنات الفكر في عقد القلايد
مالها الا شاعرن ف ارقابها يعقد مهرها

لين اعانق كل طرقاً تعبّت سبع البدايد
تسرق نجوم السماء ويلاعب الغربي شعرها

من طرف شرد القوافي مابقى غير الشرايد
كل ماحوّل عليها راعي البندق ذعرها

اما انا لا صلفقت با اجوالها .. صايد و فايد
انسف الغتره على متني واغنّي في ديرها

البروق تلوح و بيوت الشعر في راس نايد
كنها سود المزون اللي مسبلتن مطرها

هات من جل الحطب واحدف على النار الوقايد
وقرّب اللي تلفظ الكيف المهيّل من نحرها

مابلشنا ف السلوم و لا بلشنا ف العوايد
ورث اهلنا اللي من التاريخ كاسبتن فخرها

عقّب اللي يذخر الوقفات ب العذر المحايد
ودوّر اللي وقفته دون القبيله ماذخرها

الولد ما تظهره غير المواقف والشدايد
كل ما صكت عليه العوج حوّل في بحرها

والرخوم اللي حبال دليّهم فيها زوايد
فالسعه تلبس ثياب العافيه والله سترها

لا تحذفون الجبل ياهل السوالف والمزايد
الجبال الراسيه صفق الهوى ما اخلف حجرها

استريحوا ما ورى مرّ الكبود الا اللهايد
من بغى درب المراجل لا يجنب عن وعرها

عندنا شبلٍ عزومه كايده والراس كايد
صيرميٍ جمجمة راسه توقّد من سطرها

تركي اللي وقفته تبهج وسيعين البنايد
فرخ حرٍ قد تخلوى بالقرانيس وصقرها

حنكه عودٍ من الطنخه على البدوان زايد
قد نفض مرحان نجد من النوادر واحتكرها

يشري البل مايدوّر للمكاسب و الفوايد
عيد قلبه لا رمى بشته على جدت وبرها

جعل قبره للنصوب اللي مثل شرد الطرايد
لين يصبح دوحةٍ نسناسها يطرق زهرها

علّم اللي لابسن ثوب الفخر والثوب بايد
سمعة ابراهيم في وسط المقابر ما قبرها

يالاوميّر قدّم ( القايد ) ترى للجمع قايد
وانت قايد هجمة عتيبه على الشقح وخطرها

ارهج الميدان لين جموعهم تصبح شرايد
بالقعود النادر اللي قيمته ما احدن قدرها

اشقحن غضروف خشمه مثل عرجون الجرايد
طافحن يبرى الجماهير الغفيره ويخزرها

مثل شيخ الشمل في يوم التهاني والمعايد
تنطحه وتقدّره شوخ القبيله مع جبرها

وعاد حنا لا حضرنا مانعوّد للردايد
المراكز نحتميّها و المنصات انعمرها