* "Ёлғизликнинг уч куни"
Фахриддин Шамсематов яна бир ҳикоямни гўзал тарзда ўқибди, Аллоҳ рози бўлсин ундан! Унинг ҳақига дуо қилинглар, Аллоҳ унга шифойи комил бериб, умрини узун, хайрли, савобли ишларини кўп қилсин!
Telegramdagi kanalimiz: https://t.me/karimberdi60
Facebookdagi sahifam: / karimberdi.uz
Бу йил қиш қаттиқ келди. Қор устма-уст тушди. Ҳеч бўлмаган ўттиз даража совуқлар бўлди.
Газнинг қувуридан газнинг ҳиди ҳам келмади.
Дала даштдаги юз ёшли тут дарахтларидан битта қолмади. Ҳаммаси ўтин бўлди.
Раис бобо тирик бўлса, битта тут ҳам кесилмасди.
“Тут муқаддас”, дерди Раис бобо. “Тутга тегсанг, уруғинг қурийди”, дерди раис бобо.
Отамдан қолган демай, онамни кўрган демай, ҳовлисидаги ўрик борми, олма борми кесиб, ёқди одамлар.
“Отам ўтди, онам ўтди, болаларимни сақлаб қолай”, деди одамлар.
“Олтмиш тўққизнинг қиши шунақа бўлганди, − дейди кексалар. − Қор кўп тушганди. Совуқ қаттиқ бўлганди. Ўшанда ҳам ўлим кўп бўлганди”.
Зубайда момо сандал ичидаги обдастани олиб чиқиб, юз-қўлини ювди. Сув илиқ бўлгани билан то артингунча совуқ юзларини ачитди. Кафтларига “куҳ-куҳ”лаб, юзларини ишқалади. Тандирхонадаги Элёри ёриб, майдалаб, тахлаб берган ўрик ўтинларидан ўчоққа қалаб, ўт ёқди. Даҳлиздан қумғонни тўлдириб чиқиб, уни олов устига илди.
Олов ёниб, лағча чўққа айлангунча, қумғондаги сув ҳам қайнади. Зубайда момо чўғларни темир курак билан олиб бориб, сандалга солди. Қумғонни олиб келиб, чой дамлади.
Бугун сал боши оғриб тургани учун бобойи раҳматли яхши кўрган “тўқсон беш” чойдан аччиқ қилиб дамлади.
Тахмонда турадиган эски жомадонни очди. Элёри бериб кетган қиммат конфетларга қарагиси ҳам келмади. Бир сиқим майиз, тўрттагина ёнғоқ, туршак олди.
Нон қутини очди. Элёри ўнта нон қўйиб кетибди. “Бекорга қотиб қолиб, увол бўлади, Мастура момоникига чиқариб берарман, неваралари кўп”, деб ўйлаганча, битта нонни олиб, сандал устидаги дастурхонга қўйди.
Сандал устидаги кўрпанинг остига кириб, кўрпани кўксигача тортди, Зубайда момо. Сандалнинг ичи ниҳоятда қизиб кетибди. Кўрпанинг бир четини кўтариб қўйди.
Зубайда момо пиёлага чой қуйиб, ҳўплар экан, хаёлга берилди.
Бу уй, Зубайда момони ютаман деётган ҳувиллаган бу уй бир замонлар Жаласойдаги энг гавжум хонадон эди. Раҳматли бобойи жўравоз, улфат одам эди. Бобойини йўқлаб, олис-яқинлардан тинимсиз меҳмон келарди. Ана шу меҳмонларга хизмат қилиб чарчаганлари ҳам бир давр экан-да.
Қани ўша меҳмонлар, қани бобойи? Ҳаммаси ўтди, кетди
Зубайда момо бир эмас, икки эмас, олти эмас, саккизта ўғил туғди.
Бирини қизамиқ олди. Бирини Афғон олди.
Қолган олтови олти амалнинг эгаси. Бари шаҳарда.
− Бировгинасини ёмон ўқитсангиз бўлмасмиди? − дерди Зубайда момо бобойига. − Подачими, трактирчми бўлиб, қишлоқда қолса, бунақа қилиб, ғариб бўлиб ўтирмасдик.
− Ғайбуллаев домланинг боласи бўлади-ю, ёмон ўқийдими? Бирортаси ёмон ўқиса бошини уриб ёрардим, − дерди бобойи. − Ғариб бўлган бўлсанг, бор, ана, ҳаммаси чақириб ётибди, хоҳлаган ўғлингникига бориб тур! Хоҳласанг, ҳар бириникида бир ойдан тур!
− Сиз-чи? Сиз бормайсизми?
− Менинг ўлигим чиқади бу уйдан.
− Бўпти-да, бобой, сизни ташлаб, мен қаёққа кетардим?
− Ўзингдан, − дерди бобойи айёрона табассум қилиб. − Биттагина қиз туғсанг бўлмасмиди? Қиз бола меҳрибон бўлади, дейишади, сендан хабар олиб турарди. Ўзи ичинг ўғилга тўлиб кетган экан-да.
− Отамникидан олиб келибманми? − дерди Зубайда момо ҳам кулиб. − Майли, ўғилларингиз ҳам қаерда бўлишса, омон бўлишсин! Аммо мен сизсиз бирортасиникига бориб турмайман. Билсасиз-ку, бирортасиникида бир кундан ортиқ қололмайман ҳам.
− Тўғри қиласан, кампир, ана, “Боғбон”ни кўрдинг-а? − дерди бобойи. − Буларга қолса, бизни “Боғбон” қилишади. Мен-ку, бирортасиникига бориб яшамайман, аммо дуо қиламан, мени сендан олдин олсин! Мендан кейинга қолгин, ишқилиб!
− Э-э, мана, сиздан кейинга ҳам қолдим, − деди бобойи билан хаёлан суҳбатлашиб ўтирган Зубайда момо. − Қолиб нима қилдим? Мени нима кунларга ташлаб кетдингиз, бобой?
#ozbekiston #uzbekistan #samarkand #samarqand #Cамарқанд #jurnalist #журналист #karimberdi #каримберди #turamurod #to’ramurod #турамурод #тўрамурод #каримбердитўрамурод #karimberdituramurod #yozuvchi #shoir #uzbek #o’zbek #узбек #ўзбек #ривоят #shamsematov #faxriddin #palov #hikoya #hikoyalar #sotqin #xoin #malay #qul #urisqul #nkvd #shuro #1937 #qodiriy #chulpon #avliyo #авлиё #авлие #audiokitob #kitob #audio_kitob #audiohikoya #hikoya #audio_hikoya #аудиоктоб #китоб #аудио_китоб #хикоя #аудиохикоя #аудио_хикоя #фахриддин_шамсематов #фахриддиншамсематов #фахриддин #шамсематов #faxriddin_shamsematov #faxriddin #shamsematov #faxriddinshamsematov #фахриддин_шамсиматов #фахриддиншамсиматов #шамсиматов #faxriddin_shamsimatov #shamsimatov #faxriddinshamsimatov #rivoyat #ривоят #palov #hikoyalar #sotqin #xoin #malay #qul #urisqul #nkvd #shuro #onam #onalar #tursunoy #sodiqova #yolg'izlik #yolgizlik #ёлгизлик #йолгизлик #yolg'izlikninguchkuni #ёлгизликнингучкуни #ziyouz #kitobxon #ozodlik #mutolaa #zarnews #oriatdono #daryouz #gazetauz #kunuz #xabaruz
Информация по комментариям в разработке