Скачать или смотреть Bad Me Ko Trai || Lynti Bneng 63 - Saiñ Marweiñ

63 (46 A)
BAD ME KO TRAI

Bad Me, ko Trai, ngan bud ngan ïaid,
Ha lynti Diengphna bashitom khait;
Bad Me ngan pdiang jingshitom jingkyntait,
Bad Me ngan bah ïa Diengphna khlem pyllait.
Bad Me ngan shah jingpang, jingïap,
Ha Me ngan ringmynsiem khatduh;
Ban im ne ïap bad Me Kynrad,
Kan long jingkmen bad jingsngewphuh.

Bad Me ngan im man la kynta,
Ha Me ngan shem ka bor pynkhiah;
Haba dohnud jong nga ka mong,
Haba jingthmu jong nga khongpong.
Haba jingdum sawdong ka ker,
Kum miet ïong-ngaiñ sngewtriem sngewsyier.
Jingpang dohnud, jingjah, jingduh,
Ngan pdiang kum Me ïa jingtynjuh.

Jingmong jong Me ha lade ngan kit,
Ba kin pynlong ïa nga u babit
Ban kit ïa ki, ba ngan khuid ngan suba,
Mynsiem jong nga kan khiah kan bha.
Hangta ngan sah bad Me shiryta,
Ngan ieid ïa Me, bad Me ïa nga;
Ngan ym long shuh uba shipa,
Hynrei pahuh bad Me, ko Pa.