Скачать или смотреть Türkmen Gümrük gullugy eýran serhedi barada beýanat berdi, Meredow Hameneýiň ölümine gynanç bildirdi

Azatlyk Radiosynyň Telegram hasabyna ýazylyň https://t.me/azatlykradiosy

Şu günki programmamyzda:

Türkmenistanyň Döwlet Gümrük gullugy ýurduň Eýran bilen aradaky “Sarahs”, “Artyk”, “Howdan” we “Altyn Asyr” gümrük nokatlaryndan ulaglaryň we ýükleriň geçirilmegi häzirki wagtda 'kadaly' dowam edýändigini, olaryň ulag geçirijilik mümkinçiligine görä, doly kuwwatynda işleýändigini mälim etdi. Mundan öň, Azatlygyň Ahaldaky habarçylary gözegçilik-geçiş nokatlaryndan diňe çäkli ýük ulaglaryň geçirilýändigini, olaryň uly nobatynyň saklanyp galýandygyny aýdypdylar.

Türkmenistanyň günbatarynda, Eýran serhediniň ugrunda ýerleşýän Balkan welaýaty, Eýran bilen söwdada dörän päsgelçilikleri ilkinji duýan sebitleriň biridir. Ol ýerdäki ýaşaýjylar golaýdaky geçelgelerden her gün gelýän import harytlaryna bil baglaýarlar, şonuň üçin ýerli bazarlarda Eýrandan ýük daşalmagynda hatda kiçijik gijikme dörese ýa-da bahalar üýtgese muny dessine duýýarlar.

Türkiýäniň parlament agzasy bu ýurtda ýitirim bolan türkmen aktiwistleriniň ykbalyna alada bildirip, Adalat ministrliginden maglumat sorady. Bu barada adam hukuklary boýunça "Türkmen Helsinki Fondy" (THF) 6-njy martda habar berdi.

Habarlaşmak üçin:
• Whatsapp: +420 724 168 989 we +420 773 797 383
• Telegram: @Azathabar

#habarlar