مجرور🔥 | والنفس قطعه من الارض وتشيل الحي والميت | كلمات:مازن هديان السفياني | اداء:شبل سفيان | ٢٠١٩

عديت فاللي ليا مني تعليته تخليت
عن ضيقةٍ فالضمير ابطت ولا عجل فرجها
اشب ناري واوسد كوعي ارضه لاتقهويت
واجر الالحان واطلق كل فكره وانتهجها
وانقض همومي على مشهاي وافتل بيت من بيت
اقليل العرف بلسانه يموت ولا لهجها
ياضلع لو انت دم ولحم مثلي مااستقليت
يمدي صخورك ذحاح الهم فالبيدا درجها
اللي بها تبطي الالغام واقلام الديناميت
همٍ ولاني ولاية ظالم وكبدي فلجها
لوقدمولي كنوز الارض غيرك ماتمنيت
ضايق من الدار والديره ودنياي وغنجها
والله لو اني اشكي ضيق عيش ودين ماجيت
رزقي على اللي رفع راسي عن الناس وحرجها
جيتك وقلبي نواديس الهوى حوله مفاليت
وانته تعرف الهوى حتى الملوك ابطل حججها
ياضلع وش لون عنك اتوب وف صدري توابيت
دفنتها فالظمير الحي والهم التعجها
واقول ياليت وانا ماتفرج ضيقتي ليت
صابر واكابر وادل النفس وادله خلجها
والنفس قطعه من الارض وتشيل الحي والميت
اللي ليا اسنت على قيعانها ينبت حدجها
واليوم ماعاد لي حيله صحى جوي وانا اسنيت
وامست ضلوعي حطب والقلب ر ناره في وهجها