Скачать или смотреть കാന്തപുരം ഉസ്താദിന്റെ മെക്കട്ട് കയറാൻ ശ്രമിച്ച റഫീഖ് സലഫിയുടെ ആ പൂതി തീർത്ത് കൊടുത്തു | Shajahan...

രണ്ടുദിവസം മുമ്പ് കോട്ടക്കൽ സമ്മേളനത്തിൽ ശൈഖുനാ കാന്തപുരം ഉസ്താദിൻ്റെ സംസാരം നോക്കൂ. സുന്നികൾക്കിടയിൽ പ്രശ്നങ്ങളൊന്നുമില്ലെന്ന് പറഞ്ഞു. പറയാനും ഓർമ്മിക്കാനും ഒരുപാടുണ്ടായിട്ടും ഉസ്താദ് മനപ്പൂർവം വിസ്മരിച്ചു. ജിഫ്‌രി തങ്ങളെ പരാമർശിച്ചപ്പോൾ 'ബഹുമാനപ്പെട്ട തങ്ങൾ' എന്ന് ഏറ്റവും മാന്യമായ ഭാഷയുപയോഗിച്ചു. ഐക്യം യാഥാർത്ഥ്യമാകാൻ ദുആ ചെയ്യണമെന്ന് പറഞ്ഞു.

ഇന്നലെ ഡൽഹിയിൽ മാധ്യമങ്ങളുടെ ചോദ്യങ്ങൾക്ക് ഇന്ത്യൻ മുസ്‌ലിംകൾ അരക്ഷിതരല്ല എന്ന് മറുപടി പറഞ്ഞു. ഉള്ളിൽ പ്രശ്നങ്ങളുടെ കനലുകളൊരുപാടുണ്ടായിട്ടും ഇവിടെ പ്രശ്നങ്ങളില്ലെന്ന് ശുഭാപ്തി വിശ്വാസം പ്രകടിപ്പിച്ചു.

മുകളിൽ പറഞ്ഞ രണ്ടു കാര്യങ്ങളെയും ശരിക്കും ആലോചിച്ചു നോക്കൂ. ഇരു വിഭാഗം സുന്നികൾക്കിടയിൽ യാതൊരു പ്രശ്നവുമില്ല, ഇന്ത്യൻ മുസ്‌ലിംകൾക്ക് രാജ്യത്ത് യാതൊരു ഭീഷണിയുമില്ല എന്നൊക്കെ ആർക്കെങ്കിലും അഭിപ്രായമുണ്ടോ. രാജ്യത്തെ എല്ലാ സംസ്ഥാനങ്ങളിലും വിദ്യാഭ്യാസ സ്ഥാപനങ്ങൾ നടത്തുന്ന ഉസ്താദിനേക്കാൾ ഇക്കാര്യം ബോധ്യമുള്ളവർ മറ്റാരുമുണ്ടാവില്ല.

പക്ഷേ രണ്ടിടത്തും ഉസ്താദ് ഒരേ രീതിയാണ് സ്വീകരിച്ചത്. പ്രശ്നങ്ങളുടെ പരിഹാരമുണ്ടാകണം. പ്രകോപന പ്രസ്താവനകളും പഴയ മുറിവുകൾ കുത്തിത്തുറക്കലും പ്രശ്നങ്ങൾ പരിഹരിക്കാനുള്ള വഴിയല്ലെന്ന് ഉസ്താദിനറിയാം. പ്രശ്നങ്ങളും ആശങ്കകളും പറയേണ്ടിടത്ത് മാത്രം പറയും. പൊതുജനങ്ങളോടും മാധ്യമങ്ങളോടും പറയേണ്ടത് അവരോടും പറയും. അത് പറയാൻ തന്നെയാണ് ഡൽഹിയിൽ പോയത്. പ്രധാനമന്ത്രിയെ കണ്ടപ്പോൾ SIR, വഖ്ഫ് വിഷയങ്ങളിലെ ആശങ്കകൾ അറിയിച്ചു. മുബാറക് പൂരിലെ ജാമിഅ അശ്റഫിയ്യ ഉൾപ്പെടെയുള്ള മുസ്‌ലിം സ്ഥാപനങ്ങൾ നേരിടുന്ന പ്രതിസന്ധികളെ പങ്കുവെച്ചു. മസ്ജിദുകളും ഇസ്‌ലാമിക പൈതൃകങ്ങളും സംരക്ഷിക്കപ്പെടണമെന്ന് ആവശ്യപ്പെട്ടു. ജനകീയമായും മറ്റനേകം പ്രശ്നങ്ങൾ ഉന്നയിച്ചു കൊണ്ടുള്ള നിവേദനം കൊടുത്തു. പുറത്തിറങ്ങിയപ്പോൾ മാധ്യമങ്ങളുടെ ചോദ്യത്തിന് പ്രതീക്ഷയും ശുഭാപ്തി വിശ്വാസവും പ്രകടിപ്പിച്ചു സംസാരിച്ചു. മാധ്യമങ്ങളുടെ ചോദ്യങ്ങളും ചാനലുകളുടെ അജണ്ടകളും നന്നായി അറിയുന്ന ആളാണ് ഉസ്താദ്.

ഡിപ്ലോമസി ഉസ്താദിൽ നിന്ന് പഠിക്കണം. ഇന്ത്യൻ ഗ്രാൻ്റ് മുഫ്തി.