Скачать или смотреть Ga se ka phošo: Go sekwasekwa moko wa sereto/dikgopolo tšeo di tšwelelago seretong.

Methalotheto ka moka ga yona e a hlalošwa.

Ga se ka phošo – FJR Malebana

1 Ga se ka phošo ge tše bjalo di diragetše
2 Tšatši ka tšatši ka yena go be go llwa,
Ka mehla go bolelwa le go lliwa ka ngwana yo
3 Diyanokeng ka lekoko di mo kgakgautha.
Basadi ba a mmolela gampe le go molakaletša bobe
4 Bokameotlelwana e kgakgautha kgabutlana
Go bolela ka sereti ntle le go se kwela bohloko
5 E ka phologa bjang thorwanatee ya moagišani
Ke ngwana a le noši gagabo eupša baagišane o ba lapišitše
6 E hlobja e gaela ke konokono tša koša ‘bošego?
Baloyi le bona ga ba ne taba gore e sa le ngwana
7 Tša re nxa o hlabjago ke mašimathe riting sa letswele,
Ge ba ka tia motswiri o babja le semeetseng
Ga ba kgahlwe ke mediro ya ngwana yo
8 Goba nxa le tswiri ke mafofotši a boradikgofakgofane.
Ke dibetša tša manaba
9 Go dutlišwa bobete be go le gobe bja ka mehla
Go bethwa le go gobatšwa e le selo sa ka mehla
10 E le makeketwa, makiniiwa bokamantebelekwane,
Go bethwa/tulwa e be e le taba ya ka mehla.
11 Wa mogogrupo wa thenwa ka sa magagane,
Wa gagwe monwana wa ripša ka selepe se bogale
Monwana wa rengwa ka selepe
12 A tlogolofatšwa tlogolwana sa Kaika le Ndlhambe.
Setlogolwana sa Kaika le Ndlhambe sa gobatšwa
13 O phonyogile leihlo ka šobana la tšhwana,
O phologile lehu ka mahlatse
14 A alamelwa ke sejanaga bokatšae la kgogo,
A thulwa ke sefatanaga go šoro
15 Šako la dumaela la kgotsa maatla a Rawešo,
Batho ka kakaretšo ba bolela le go makalela tiragalo ye.
16 Bangwe ba swinetša ka la swine mankokonono.
Bangwe ba re o swinegile
17 Ka moswane ba le tsošetša bokamotšitšhi ,
Batho ka letšatši le le latelago ba ile ba tla go tlo hlola sereti
18 Ballišane le bomenomašweu mabolayaasega
Go be go tlile batho ba go mo rata ka nnete le ba go itira o ka re ba a mo rata
19 Goba wa ratwa ke bohle o ka itoma sejabana,
Ga go kgonagale gore motho a ratwe ke batho ka moka
20 Ka boela watleng la mme mailagoboelwa
Ge o ka rata ke batho ka moka sereti se re se ka boela maleng a bo mmago sona.Go ratwa ke batho ka moka ga go kgonagale
21 Ye ke tladimothwana magadimetša le eja motho
Ye e bile tiragalo ya go makatša batho.
22 Tiromatlabi matlabatlaba ba mahlo a dirunya,
Tiragalo ye e tlabile ba bantši
23 Mafoladifoa le go ahlamišwa ke dikapolelo
Go makatšwa ke dipolelo tša go fapafapana
24 Ge madi mahlokamolato a nyako dikela le tšhweu.
Ngwana wa go hloka molato o nyakile go hlokofala
25 Re fodiša dinala o le okelong bja Mankweng,
O ile a rwalelwa bookelong bja Mankweng go yo alafiwa.
26 Hlabja ke letšididi mefefana e hlabje ke dihlong-
Go thwe a fole bamaaka ba swabe.
27 O kotsinkele o kotsinkelela Ntji sekolong
Go thwe Ntji a kokotlele gobane sekolong
28 Moo dithakana di go letilego ka pelobohloko.
Dithaka tša gagwe di mo letile ka tlhoafalo
29 Rena diputswa re ketikile a bjalo mathaithai,
Rena batho ba bagolo re fetile mathateng a mohuta wo
30 Seupi le ge re ka ithintha se gomaretše
Le ge motho a ka ikganetša gore o be a dira dilo tša go tšwa tseleng, yena ka pelong o a tseba gore nnete ke efe.
31 Ka matšae mabitlelwa ka tlase ga maretha
32 Le dithuthupe tša mmamotšhatšharane mathuthupišwa.
33 Lehono re itšhatšhantšhetša go ba ba moririrkgomo.
Re ikgantšha go ba bathobatho/ ba go hloka molato.
34 Mola a mmadi le dintsho be re hwafeletša Madikoto,
Mola magapu le dintsho re be re neeletša Madikoto
35 Re lomele mongtšhemo legapu le ditloo pele a loma,
Re eja dienywa tša batho pele beng ba ka ja/
Re bunele mongtšhemo pele ga ge a buna
36 Mosengwa la nthethwana yola mohlagodi.
Mosatšana yola wa go se re selo
37 Yago phoko e ntlaba ge e le marwalwakantlatlana,
Go tsebega gohlegohle
38 Mahlohlomišwa tša maswiswi le ke bahlotledi

39 Eke ga ba natšo tše bjalo ditšherekwane,
Nke bona ga ba na le mafokodi
40 Tša bona ke tša bonku mapipšakamosela.
Tša bona ke diphiri ga di bolelwe di a fihlwa
41 Hlahlarega o tle o re alele tsona ka botlotla
Fola o tle o re botše seo e lego nnete
42 Re se foe ka mabarebare a tlhokwanalatsela;
Re se kwe ka mabarebare
43 Re eme matlotlošia bjale re a šia,
Re tšhoge
44 Tše ba di tshwago ke mašayantlha le thito.
Tše ba di bolelalo di a mmakatša
45 Rrawešo le badimo ba ntshe bea pelo moagišani,
Modimo o gona wena homotšega moagišane
46 Go hlwela go le bjalo se iše pelo mafiša di tlo fela,
Se tshwenyege gobane ditiragalo tša mohuta wo di phela di direga
47 Bommalelengwana ba hwe bogogoma ba mo gadiele
Ba hwe ka pelo ba mo dume
48 A kganakganela Ntji bokalebotla.
Ntji bapalabapala bjalo ka mpyanyana.