Încî Egîd - Bibêje Homeros (Deng: Roza Özek) [Binnivîs]

DIBÊJE HOMEROS

Ji xeynî te, ez tu bedewî nahebînim.
Navêm terkiya hespê xwe nagerînim.
Li bin sêra sêrbezên sextekar bî jî,
Tu ya min î dibêje Homeros.

Mêyze nakim li çavên Klopat re.
Ew bêhn e ku diçe dil û cêgera,
Beranberê wê tune ye dibêje Homeros.

Dibin sêra gotin û kelaman de,
Ez serxweşê araqa tiriyên li wir.
Tu Afrodît bî jî feyde nake,
Ew der ji te rindtir e, ji te rindtir dibêje Homeros.

Tu leyla bî jî ji bo min feyde nake,
Nabim Mecnûnê te bizanibe nadim pey te.
Bi çolan nakevim ji bona bejna te û ji bona bala te.

Shakespeare binvîse jiyana te,
Ez te naxwînim cihê ku Memê Alan û Zîna Zeydan lê

Tu tişt û kes weke wir delal nîne.
Ew dermanê derdê bê derman e.
Ji nav çar kelamên qedîm
Girseya gel a mezin re xeberdan e dibêje Homeros.

Ew xortê hujdeh salî û evîndar,
Ku çavên xwe ji guleyê naqûrpîne.
Zende bigire mûcîzatê çawa hene dibêje Homeros.

Mirov bikaribe li ber delavê Dîcle bisekine.
Xwe bi agirê evînê bişewitîne,
Li ava Dîcle mêyze neke
Nebêj min bitemirîne
Bibîne zende bigire,
Dibêje Homeros.

Wan yezdanên viroke ên ne yezdan.
Bo dîlgirtina delala delalan...
Bo min şêwra Yezdanan li hev civiyan.
Dibêje Homeros.

Ji bo sertaca delalan çi bêjim
Gotin û kelam bi sêr zaf lê tên.
Hatiye şûştin û avdan bi azemeta qudretê
Dibêje Homeros.

Dinya pîr dizane ku ez kole me.
Helbestên min ji ber derd û kulan e.
Bindestî û mirin yek e
Ew barekî giran e
Dibêje Homeros..

Încî Egîd
Deng: Roza Özek
Vîdyo: #AsoyaHelbestaKurdî


ASOYA HELBESTA KURDΰ
25ê Çileyê, 2017

TÊKILÎ
Emaîl: [email protected]
Twitter: @asoyahelbesta
Facebook/YouTube: Asoya Helbesta Kurdî