ಯಾರು ಒಲಿದರೇನು | ಪುರಂದರ ವಿಠಲ | Yaaru Olidarenu | Sri Purandara Dasaru | Kannada Devotional Song |ಭಜನೆ

https://dasarahadugalu.blogspot.com/2...

ಭಜನೆ, ದಾಸರ ಹಾಡುಗಳು, ದಾಸರ ಪದಗಳು, ದಾಸ ಸಾಹಿತ್ಯ
Bhajane, Dasara Hadugalu, Padagalu, Dasa Sahitya

ಸಾಹಿತ್ಯ : ಶ್ರೀ ಪುರಂದರ ದಾಸರು (ಪುರಂದರ ವಿಠಲ)
Kruti: Sri Purandara Dasaru (Purandara vittala)

Singer: Gayathri Sudarshan
ಗಾಯಕರು: ಗಾಯತ್ರೀ ಸುದರ್ಷನ್

ಯಾರು ಒಲಿದರೇನು ನಮಗಿನ್ನಾರು ಮುನಿದರೇನು ||ಪ||
ಕ್ಷೀರ ಸಾಗರಶಾಯಿಯಾದವನ ಸೇರಿದಂಥ ಹರಿದಾಸರಿಗೆ ||ಅಪ||

ಊರನಾಳುವ ದೊರೆಗಳು ನಮ್ಮನು ದೂರ ಅಟ್ಟಿದರೇನು
ಘೋರಾರಣ್ಯದಿ ತಿರುಗುವ ಮೃಗಗಳು ಅಡ್ಡಗಟ್ಟಿದರೇನು
ಮಾರಿ ಹಿಂಡು ಮತ್ತೆ ಮುಸುಕಿನ ದಂಡು ಮೈಗೆ ಮುತ್ತಿದರೇನು
ವಾರಿಜನಾಭನ ವಸುದೇವಸುತನ ಸಾರುವಂಥ ಹರಿದಾಸರಿಗೆ ||೧||

ಪಡೆದ ತಾಯಿ ತಂದೆ ನಮ್ಮೊಳು ಅಹಿತ ಮಾಡಿದರೇನು
ಮಡದಿ ಮಕ್ಕಳು ಮನೆಯ ನೆಂಟರು ಮುನಿಸುಗುಟ್ಟಿದರೇನು
ಒಡನಾಡುವ ಗೆಳೆಯರು ನಮ್ಮೊಳಗೆ ವೈರವ ಬೆಳೆಸಿದರೇನು
ಕಡಲಶಯನ ಕರುಣಾನಿಧಿ ನಾಮವು ಒಡಲೊಳಗಿಹ ಹರಿದಾಸರಿಗೆ ||೨||

ಕಾನನದೊಳ್ಹರಿದಾಡುವ ಸರ್ಪವು ಕಾಲಿಗೆ ಸುತ್ತಿದರೇನು
ಜೇನಿನಂದದಿ ಕೀಟ ಕ್ರಿಮಿಗಳು ಚರ್ಮಕೆ ಮುತ್ತಿದರೇನು
ಭಾನುನಂದನ ಬುಧ ಮಂಗಳರಾ ಬಲವು ತಪ್ಪಿದರೇನು
ದೀನನಾಥ ಶ್ರೀಪುರಂದರವಿಠಲನ ಧ್ಯಾನವುಳ್ಳ ಹರಿದಾಸರಿಗೆ ||೩||


yaaru olidarEnu namaginnaaru munidarEnu ||pa||
kShIra saagarashaayiyaadavana sEridaMtha haridaasarige ||apa||

UranaaLuva doregaLu nammanu dUra aTTidarREnu
GOraaraNyadi tiruguva mRugagaLu aDDagaTTidarEnu
maari hiMDu matte musukina daMDu maige muttidarEnu
vaarijanaabhana vasudEvasutana saaruvaMtha haridaasarige ||1||

paDeda taayi taMde nammoLu ahita maaDidarEnu
maDadi makkaLu maneya neMTaru munisuguTTidarEnu
oDanaaDuva geLeyaru nammoLage vairava beLesidarEnu
kaDalaSayana karuNaanidhi naamavu oDaloLagiha haridaasarige ||2||

kaananadoLharidaaDuva sarpavu kaalige suttidarEnu
jEninaMdadi kITa krimigaLu carmake muttidarEnu
bhaanunaMdana budha maMgaLaraa balavu tappidarEnu
dInanaatha SrIpuraMdaraviThalana dhyaanavuLLa haridaasarige ||3||