يا معشر السمار - خالد ال بريك & حمود بن خلف - على العموم احتاج عزلة ذات واحتاج انقطاع 2024 حصرياً

يا معشر السمار - خالد ال بريك & حمود بن خلف - صادمت صكات الزمان وْلا على وجهي قناع 2024 حصرياً



.
إشترك في قناة الساطي الرسمية
للحصول على أحدث إصداراته الفنية

لـ التصميم رابط الواتس مباشر ⤵️

‏https://api.whatsapp.com/send?phone=966502...

تصميم
الساطي - القناة الرسميه

لمتابعة الساطي عبر سناب شات
‏https://t.snapchat.com/9VnVuhou

#الساطي

يا ذا الجلال اللي بجودك تشبِع بطون الجياع
ولْك الجبال الراسيات مهلله ومسبحه

انت العظيم اللي تحت هيبتك ينعاج النخاع
وانت العليم بسر عبدك قبل عبدك يشرحه

اعتقني مْن النار وابعدني عن دروب الضياع
والهمني الصبر الجميل وْعِفّ قلبي واصلحه

ما ارخيت راسي غير وجهي متجه لطهر بقاع
حتى لو بطون الليالي بالظروف ملقحه

عرّبني اللي قال لا تثني لك الدنيا ذراع
لو كلّ خلق الله توقّف في نحاك مسلّحه

صادمت صكات الزمان وْلا على وجهي قناع
شبحي بعيد وْلا تبعت الناس لجل المصلحه

بس الشجاع يمر في لحضات ما كنّه شجاع
لو مرّه اللي يجرحه سلسال جيده يجرحه

يا معشر السمّار لا تطرون لحضات الوداع
انا ليا هالحين واقف فالسنين المدبحه

من ينسلب عقله بسلهامه من الدعج الوساع
ما ينّصح لو كل يوم وكل ليله تنصحه

القلب اخذ قسمه من الخذلان ومْن الالتياع
ياللي كويت القلب من فرقاك عوّد وانجحه

على العموم احتاج عزلة ذات واحتاج انقطاع
لين ابتعد عن ضجة الجلاّس والدرب ابرحه

من يرخي اذنه للهروج الطايشه صابه صداع
تلقى الكلام اللي يجيه يسرّحه ويمرّحه

كم واحدٍ على الكلام الشين عجل الاندفاع
واذا لقى له واحدٍ يوحيه هلّ المسبحه

ما يقسم صفوف القبيله غير عِشّاق النزاع
ومطّيرين الهابطه ومهبّطين ام اجنحه

اغلا ما عند الآدمي عمره وعمره ما يباع
الا علشان الرفيق اللي فعوله تمدحه

شروا عديمٍ في مواقيف الفخر طاريه شاع
لا دارت سيور الزمن نلقى الذرا في مشلحه

راسي ليا منّي ذكرته ياصل الى اعلى ارتفاع
لو رشّحو لطّيب اماره كل طيّب رشّحه

افخر بـ سلطان الحميدي والفخر بسمه يذاع
قرمٍ مثل ما قيل فالدم الحمر ما تذبحه

هذا عطاويٍ كرم يمناه ماهوب اصطناع
يشهد على صدق إكرمه ترحيبه اللي يصدحه

في كل يوم وكفَه يقدّم عن الجود انطباع
هذا قعود يبرّكه … هذا خروف يفطّحه

من يعرفه ما يعرف ان الحاجه ام الاختراع
ما يعرف الا ابشر بعزك والحزين يفرّحه

سيفٍ نطوع به عدانا فالهجوم وفالدفاع
وعزومه تطوّع ظروف اللي ظروفه تفدحه

ماهوب قايل ببذل المجهود قدر المستطاع
من دق رقمه دق صدره للوجيه المفلحه

يابو حمد يا جعل يفداك الكفو خل الرَّعاع
ما فيه بابٍ للمديح الا فعولك تفتحه

طاريك يفرض فالقصيد العذب حسن الاستماع
تستاهل اللي بالجزال مقلّده وموشّحه

عرّبك شيخٍ كل يوم ومجلسه فيه اجتماع
روقيٍ اليا مال ميزان الزمان يرجّحه

من ربعي اللي يوم وقت الخوف تتبعها السباع
وتلقى العشاء في ديرة اللي نهجده ونصبّحه

حنا عتيبه ما عبدنا لا يغوث وْلا سُواع
ما نعبد الا الله تعالى والخصيم نْزحه