Скачать или смотреть Top News - Qytetet e nëndheshme të raketave / Irani publikon pamjet, një rrjet pa fund tunelesh

Irani ka shfaqur një rrjet të gjerë nëntokësor tunelesh të mbushur me radhë pa fund dronësh dhe raketash, mes frikës se SHBA-të dhe aleatët e saj po cojnë dëm armë të shtrenjta në luftën e tyre kundër regjimit. Pamjet e publikuara nga Agjencia e Lajmeve Fars, e cila është e lidhur ngushtë me Trupat e Gardës Revolucionare Islamike, tregojnë radhë të gjata raketash dhe dronësh Shahed. Në një fragment shihet edhe një foto e varur në mur e Udhëheqësit Suprem tani të ndjerë Ali Khamenei duke shikuar arsenalin masiv të dronëve. Një seri flamujsh iranianë shihen të varur nga tavani i tuneleve. Një tjetër pamje tregonte kamionë që mbanin lëshues dronësh Shahed. Këta të fundit kushtojnë vetëm dhjetëra mijëra dollarë për t'u prodhuar dhe kërkojnë pak kohë për t'u ndërtuar. Ndërsa lufta vazhdon të zgjerohet, tani ekziston frika se armët e sofistikuara të SHBA-së dhe aleatëve të saj mund të jenë shumë të shtrenjta dhe shumë të vështira për t'u siguruar për një fushatë ushtarake më të gjatë. Izraeli pranoi të mërkurën se Irani ka ende kapacitet të konsiderueshëm për të lëshuar raketa ndaj armiqve të tij. Raketat Patriot të prodhuara në Amerikë mund të kushtojnë midis 4-5 milionë dollarëve secila. Ndërkohë, bateritë e raketave THAAD mund të kushtojnë rreth 13 milionë dollarë secila. Një analizë e ekspertëve të sigurisë në Uashington DC, zbuloi se Emiratet e Bashkuara Arabe kishin rrëzuar 92% të raketave dhe dronëve që Irani kishte lëshuar drejt tij. Irani ka shpenzuar kështu 11 deri në 27 milionë dollarë për 541 dronë që lëshoi mbi Emiratet e Bashkuara Arabe, me interceptorët e kësaj të fundit që kushtonin mesatarisht 500 deri në 1.5 milionë dollarë për dron, që rrëzuan 506 prej tyre. Kostot e mbrojtjes nga dronët e Emirateve të Bashkuara Arabe sipas përllogaritjeve ishte midis 253 dhe 759 milionë dollarë, duke sugjeruar se ajo ka shpenzuar deri në 30 herë më shumë për t'u mbrojtur kundër dronëve të Iranit sesa kanë shpenzuar kundërshtarët e tyre për ta sulmuar atë.
Dhe ekziston frika se shtetet e Gjirit së shpejti mund të mbeten pa mbrojtje ajrore. Një burim tha për Daily Mail se me ritmet aktuale, furnizimet mund të mbarojnë brenda katër ditësh.

Pamje: AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TopNews#SHBA#Khamenei