Скачать или смотреть BelgeFilm- Sê Sal Şer | بەڵگەفیلم- سێ ساڵ شەڕ

دوای سێ ساڵ لە شەڕی خوێناوی، ئۆکراینا بووەتە گۆڕەپانی مەرگ و وێرانکاری. لەم بەڵگەفیلمە دا، تیمی رووداو دەتانباتە بەرەکانی پێشەوەی جەنگ و چیرۆکی ئەوانە دەگێڕێتەوە کە لە سێبەری مردن دا دەژین.

لەم گەشتە کاریگەرە دا، لەگەڵمان بن بۆ بینینی:
• بەرەکانی پێشەوەی دۆنێتسک: گوێبیستی دەنگی بۆردوومانی بێوچان بن و دۆخی سەختی سەربازەکان لە نزیک شارە ستراتیژییەکانی وەک چاسیڤیار و باخموت ببینن.
• چیرۆکە مرۆییەکان: چیرۆکی نێلا و سێرگی بزانن کە بۆمبێک هیوا و ماڵەکەیانی رووخاند. لەگەڵ ڤلادیسلاڤ بن کە بە تەنیا لە شارە چۆڵکراوەکەیدا ماوەتەوە و دەڵێت: "پێش دۆڕانەکە، هەموومان دەمرین."
• ژیان لە کیێڤ: ببینن چۆن دانیشتووانی پایتەخت شەوانە لەژێر هەڕەشەی درۆنەکان دا دەژین و دایکێک چۆن هەوڵ دەدات منداڵەکەی لە راستییە تاڵەکانی جەنگ بپارێزێت.
• برینە قووڵەکەی بووچە: سەردانی ئەو شارە دەکەین کە بووە سیمبولی تاوانی جەنگی. گوێ لە چیرۆکی تاتیانا دەگرین کە لەنێو دڵی کارەسات دا هیوایەکی نوێی دۆزییەوە.
ئەم بەڵگەفیلمە تەنیا گێڕانەوەی رووداوەکان نییە، بەڵکو گەشتێکە بۆ ناو دڵی ئازار، بەرگری و هیوای گەلێک کە لەپێناو مانەوەدا دەجەنگێت.


ئامادەکردن و بەرهەمهێنان:
بەرهەمی: تۆڕی میدیایی ڕووداو (٢٠٢٥)
پرۆدیوسەر و پێشکێشکار: دڵنیا ڕەحمان
وێنەگر و دەرهێنەر: ئەحمەد عومەر
مۆنتاژ: بڕوا عومەر


#RudawDocumentary #Documentary #بەڵگەفیلم #شەڕی_ئۆکراینا #رووداو #سێ_ساڵ_شەڕ #دۆکیۆمێنتاری #ئۆکرانیا #ڕووسیا #جەنگ
#UkraineWar #Documentary #RussiaUkraineWar #Frontline #Kyiv #Donbas #Bucha #rudawdocumentary