Скачать или смотреть Mianara Amiko - Hosana Ambohijatovo Fitiavana

MIANARA AMIKO

A/C: RAJAONARIVELO Germain

Aza gaga ianao raha miombo tokoa ny ngidin'ny tany
Aza gaga fa tsy avy aiza tsy akory, fa avy amiko izany
Izaho tsy nihaino anareo na dia niantso vonjeo aoka ho fantatrao
Izao no natao, natao mba ho fanambarako anao

Raha tianao ny ahita fiadanam-po dia tokana ihany
Avelao ny fanompon-tompo roa fa halako izany
Izao ataonao izao dia mamitaka anao aoka ho fantatrao
Tsy izao no natao, na noheveriko hanamboarako anao

Moa hahavonjy anao va, ny hafetsena tsy miato
Moa hahavonjy anao va, tapak'hazo na vato
Ataonareo va fa zava-mora, ilay fitsarana efa akaiky izay
Ry manam-panahy, mba matahora, tsisy indrafo intsony amin'izay
Izao mbola fotoana mety, idiro ny vavahady hety
Avia, avia mianara amiko ianao

Fahefana harena mambabo fo, iadiana eto an-tany
Tsy nahazo ianao, tsoriko eto koa, fa ato amiko ihany
Hanehoana aminao, zava-tsy ampoizinao hisandratanao
F'izaho no hanome, tena mihoatra noho izay noheverinao

Izay mahazo anao mahazo ahy tokoa, marary ahy izany
Raha misy asa-tànako ambony koa, dia ianao ihany
Ny nomeko fanahy, hanan-toetra toa ahy, moa tsy fantatrao
izao no natao, na noheveriko hanamboarana anao

Na dia ratsy aza ianao, mba mahalala soa ihany
Maika f'izaho Rainao, no tsy ahafantatra izany
Fa homba anao aho, aza manahy
Ny lalanao dia voalamiko
Hatobako ho anao, izay rehetra ahy, ka manarana fo amiko
Fa miasa aho ka tsy azo tohaina
Ananako izay rehetra ilaina
Avia, avia mianara amiko ianao

Vol 8 - Hosana Ambohijatovo Fitiavana