شوّاش ابن لبدان 🔥👏🏻 مهداة الى حمد ابن لبدان 🔥 كلمات سعد بن شفلوت & اداء جفران بن هضبان 2024

..
للتواصل والاستفسارات :
الحسابات الرسمية لـ منصة بصمة الابداع .

‏Official Whatsapp :
الرابط محادثة الواتساب المباشر :
https://wa.me/message/4GKUGHJQFDZTC1
+966562778026


‏Official Snapchat :
  / a_thane2  

‏Official Twitter :
  / a_thane2  

‏Official Instagram :
  / a_thane2  

ـــــــــــــــــــ

كلمات العمل

يعجبني الطيب اللي وقفته تنعرف
لو كان مابيننا رفقه ولا معرفه

اشوف مدحه شرف واشوف عرفه شرف
واهل الشرف عمرها ماجات مستشرفه

ماهي بمدحه قرف ولا معرفه قرف
بعض المعارف قرف ومدوحها مقرفه

وانا هنا بالحقيقه كلها معترف
ماني براعي تزلافه ولا خذرفه

كف ابن لبدان من بحر الجميل تغرف
لو كان ماله مثل بحر الخليج غرفه

من فعل ابن عوضه اللي يعرفه من عرف
جا للرجال التعاجه والنسا غطرفه

بالسيف الاملح خذا الاول وسيف الشرف
واطيب نبا فالمواقف وانبله واشرفه

الله ياكم عطا والله ياكم صرف
والله ياكم يمينه فالعطا مسرفه

يقلط على الكايده مايتعز فالطرف
لاطرف اللي يسحب مشلحه بطرفه

دون الرقاب الخضر والمحجر اللي ذرف
الشيك مفتوح واللي يصرفه يصرفه

شواشته ماهي بشواشة المصطرف
طبيعة من ثقه ماهي بمن عجرفه

بدا حياة الكرم على حياة الترف
كم موتر في طريق الطايلات كرفه

اما جميل حرف له موتره وانحرف
ولا ورى ذاير في مرتعه مترفه

بيته ذرى اللي من صدوف الزمان انكرف
والعز فمراحه ومجالسه وغرفه

في راسها مثل ماقال المثل ويخرف
عذق الكرم والمراجل والجميل خرفه

ماهو بمن قوم مدري ماعتقد ماعرف
لا والله الا مقر الطيب والمعرفه

ورى التفاهات والعيلات ماينجرف
سيلٍ تكبّر على عقم الردى وجرفه

والنعم ماجاه من بنده ولا بلشرف
خذاه بفعول واشنابٍ لها رفرفه

حلال ربعه نهار الحرب ماينزرف
من قوهم مايفكر خصمهم يزرفه

دقلاته تجعل الصاحي يصيبه خرف
لو انه اصحى من الصراف في الصيرفه

من عاندوه ال مره خش ولا انصرف
وان ساندوه حقنوا دمعه قبل يذرفه