مشروع حلويات ناجح 🇩🇿 جميع أسرار نجاح دزيريات الكاوكاو معسلين للقلب مع المقادير المضبوطة ل20 حبة

#مشروع_حلويات_ناجح #اكسبلور #trending

-رابط الأنستغرام للتواصل معي 👇👇



-المقادير ؛:
-الكمية اللي درتها في الفيديو تخرج 23 حبة سواسوا وزن الحبة 40غ وانتوما تقدروا تنقصوا في وزن الحبة ديرو 35غ .

✨ الحشو :؛ (الكمية هذي تمدلكم بالضبط 23 حبة )
-رطل كاوكاو محمص ومرحي نكيلوا 3 كيلات .
-نصف كيلة جوز الهند مرحي رقيق .
-ملعقة كبيرة فانيليا .
-ملعقة كبيرة مرغرين .
-كيلة ناقصة زوج أصابع سكر عادي .
-ملعقة كبيرة عسل المرجان.
-ملعقة كبيرة ماء الزهر.
-عصير نصف حبة ليمون .
-زوج بيضات كاملين وصفار بيضة .
-مبشور زوج حبات ليمون من الأفضل يكون ليمون أصفر.


✨العجينة :
-3كيلات فرينة (هنا مانحتاجوش كمية كبيرة من العجين 300غ فرينة تكفي ) انا درت كمية كبيرة وبقالي باش ديرو حسابكم
-نصف كيلة زبدة التوريق ذايبة وباردة.
-ملعقة صغيرة ملون أبيض ( الملون الأبيض ماتكثروش منو لأنو ينشف العجينة ).
-ملعقة كبيرة فانيليا.
-قرصة ملح.
-ماء وماء الزهر لجمع العجينة.
-العجينة تكون طرية شوي مش شرط يابسة لأنهم راح يطيبوا في المول .


✨ الشاربات ؛:
-كأس سكر .
-زوج كيسان ماء .
-زوج شرائح ليمون .

✨للتعسال ديرو كيلة شاربات مع كيلة عسل المرجان.
-حبات لوز للديكور .
- باش تتحصلوا على لمعة في حلوياتكم المعسلة ديرو ملعقة كبيرة عسل مع ملعقة كبيرة غلوكوز ودفيوهم وامسحوا وجه الحبة .