हङकङमा पहिलो नेपाली महिला वकिल Rigam Rai, First Nepalese Female Lawyer in Hong Kong.

रिगम राई : नेपाली समुदायकी पहिलो महिला वकिल
हङकङको नेपाली समुदायमा धेरैजसो महिला कि रेष्टुरेण्टमा, कि त ब्युटी पार्लरमा काम गर्छन्, अनि कोही चाहिं गृहिणी छन् । तर रिगम राई उनीहरूभन्दा फरक क्षेत्रमा छिन् ।

रिगम हङकङमा नेपाली समुदायकी पहिलो वकिलको रुपमा काम गर्न थालेको धेरै भइसक्यो । उनी विगत एक दशकदेखि यहाँको चाइनिज ल फर्ममा कार्यरत छिन् ।

उनले यो स्थानमा आफूलाई उभ्याउन धेरै संघर्ष गरेकी छिन् । धेरै हण्डर, ठक्कर खाएकी छिन् । अहिले उनी आफ्ना क्लाइन्टका पक्षमा वकालत गर्न अदालत धाउँछिन् । अन्यायमा परेकाहरूलाई न्यायको पहल गर्छिन् ।

सानैमा धरानमा पढेकी रिगम ४ कक्षादेखि काठमाडौं, पानीपोखरीको भानुभक्त मेमोरियल स्कूलमा पढिन् । त्यसपछि पुल्चोकस्थित इन्जिनियरिङ कलेजमा आर्किटेक्टमा भर्ना भइन् । पढ्दा–पढ्दै हङकङ आइपुगेपछि यतै काम गर्न थालिन् । पढाई अलिक ग्याप भयो ।

यहाँ आएपछि पनि पढ्नका लागि निकै कोशिस गरेकी हुन् तर आर्किटेक्ट पढ्न गाह्रो हुँदो रहेछ । किताब अंग्रेजीमा भए पनि लेक्चर चाइनिजमा हुँदो रहेछ । त्यसपछि एक वर्ष जति भर्चुअल क्लासमा आईटी पढिन्, राम्रो नतिजा लाएर पास पनि गरिन् । तर, कामको अवसर पाइनन् ।

बुझ्दै जाँदा कानून विषयको किताब पनि अंग्रेजीमा र पढाइ (लेक्चर) पनि अंग्रेजीमै हुने थाहा पाइन् । अनि, यतै लागिन् ।

नेपालमा छँदा वकिल बन्छु भन्ने सपनामा पनि सोचेकी थिइनन् उनले । यहाँ चाहिं अरु च्वाइस नभएर यो फिल्डमा लागिन् । तर अहिले यही क्षेत्रमा प्रगति गरिरहेकी छन् । शुरूमा त उनले पनि यहाँ आएर ६/७ वर्ष रेष्टुरेण्टमा काम गरिन् । “यता आएर यस्तो दुःख गर्नुपर्ला भन्ने सोचेकै थिइनँ,” उनी भन्छिन्, “१७/१८ वर्षको उमेरमा काम गर्दा अरुको अर्डर लिनुपर्ने, अरुले खाएको उठाउनुपर्ने । दुःख लाग्यो ।”

तर उनलाई केही चाहिं गर्नु पर्छ, यसरी हुँदैन भन्ने थियो । त्यसपछि पैसा वचत गरेर पढाइमा लगानी गरिन् । “उता इञ्जिनियरिङ पढेको, यता आएर वेटर काम गर्नुपर्दा साह्रै दुःख लाग्यो । म यस्तो होइन, केही गर्न सक्छु भन्ने मनमा लागिरहन्थ्यो,” उनी सुनाउँछिन् ।

रिगमका आमा–बुवा उनलाई नेपालमै इञ्जिनियरिङ सकोस् भन्ने चाहन्थे । तर, यता आइसकेपछि उनी फर्किन सकिनन् । शुरूमा त दुःख गर्नुपर्दा बेकारमा आइएछ भन्ने लाग्यो । यहाँ आइहालियो केही गर्न सकिन्छ कि भनेर पढाइलाई निरन्तरता गर्न खोजिन् । परिवारबाट पढाइमा एकदमै सपोर्ट थियो त्यसैले आफूले सफलता पाउन सकेको उनको बुझाइ छ ।

उनको बुवा–आमाले एसएलसीसम्म पढे । आफूले चाहेजति पढ्न नसके पनि छोराछोरीले केही गरुन् भन्ने चाहन्थे । सन्तानमा उनी र भाइ मात्र थिए । “यहाँ आइसकेपछि आईटी क्षेत्रमा जुनियरमा पनि धेरै काम खोजें तर पाइएन । कमाई नहुने तर खर्च मात्र हुने भयो । त्यसपछि कानूनको डिप्लोमा पढ्न शुरू गरें ।”
थप पढ्नलाई यो लिंकमा क्लिक गर्नुहोस् : https://everestkhabar.com/2020/12/5669

Rigam Rai, First Nepalese Female Lawyer in Hong Kong.
Camara : Jagat Ambu Gurung & Dambar Krishna Shrestha
Editing : DK Shrestha
Supporters : Matridip Rai ,
Bhuwan Lingden,
Sujit Subba ,
Sarita Shrestha,
Ayushman Shrestha
& Everest Media LTD. Hong Kong
@Nepali Life YouTube Channel
Email : [email protected]
Facebook:   / nepalilife  
instagram: nepalilife
Twitter: @nepali_life