လူထုကို စစ်တပ်ပုံစံနဲ့ သွားအုပ်ချုပ်လို့ မရဘူး

လူထုကို စစ်တပ်ပုံစံနဲ့ သွားအုပ်ချုပ်လို့ မရဘူး (ရုပ်/သံ)

ဧရာဝတီ၊ ဧပြီ ၃၀၊ ၂၀၂၄

ပြည်သူလူထုကို ကာကွယ်တဲ့ စစ်သားကောင်း စစ်စစ်တွေဖြစ်ကြဖို့ ကရင်နီအမျိုးသားများ ကာကွယ်ရေးတပ် (KNDF) ရဲ့ စစ်ရေးချုပ် ခူးရီးဒူနဲ့ ဒု-စစ်ဦးစီးချုပ် မာဝီ တို့က ရဲဘော်တွေကို သတိပေးပြောဆိုလိုက်ပါတယ်။

ကရင်နီပြည်မှာ ဧပြီလ ၃၀ ရက်နေ့က ကျင်းပတဲ့ KNDF ဗျူဟာ (၇) အမှတ်စဉ် (၁) အခြေခံစစ်သင်တန်းဆင်းပွဲ အခမ်းအနား မိန့်ခွန်းထဲမှာ ထည့်သွင်းပြောဆိုသွားကြတာဖြစ်ပါတယ်။ ဗျူဟာ ၇ ဟာ အသစ်တိုးချဲ့ဖွဲ့စည်းလိုက်တဲ့ ဗျူဟာဖြစ်ပြီး သင်တန်းသူ၊ သင်တန်းသား ၅၀၀ ကျော်ရှိတယ်လို့သိရပါတယ်။

သင်တန်းသားတွေဟာ တိုက်ခိုက်ရေး၊ ဆေးတပ်၊ ကယ်ဆယ်ရေးနဲ့ ထောက်ပို့တပ်တွေမှာ ထမ်းဆောင်ကြရမှာဖြစ်တယ်လို့ သိရပါတယ်။

စစ်တပ်အာဏာသိမ်းပြီး ၃ နှစ်အတွင်း ကရင်နီပြည်ရဲ့ ၉၀ ရာခိုင်နှုန်းကို ထိန်းချုပ်ထားပြီး လက်ကျန် စစ်ကောင်စီတပ်တွေကိုလည်း ဝိုင်းဝန်းပိတ်ဆို့ထားတယ်လို့ KNDF ဥက္ကဋ္ဌ ခွန်းဘီထူး ကလည်း ဧရာဝတီနဲ့ သီးသန့် အင်တာဗျူးမှာ ပြောဆိုထားပါတယ်။

ရုပ်သံ - မိုးတိမ်၊ ဧရာဝတီ