ZINGVAI HONG HAWMSAK IN || Ngainu Haokip

Amasa in La siam takmai a hon saksak Unn. Ngainu Haokip tung ah kipahthu kagen hi. Huan La a hong piandan a tomthei pen in kon taklang zeknuam hi:-
Ka naunu Khanching, D/o. Animal Husbandry & Dairying, a Section Officer, New Delhi in September, 2015 a kipan in natna haksa takmai CA Breast hon neikha a, AIIMS Hospital Delhi ah Doctor ka pan uhi. 17th November, 2015 in Operation a kibawl a, 30th December, 2015 mah in a nihveina ding in Operation a kibawl nawn hi. Chemo + Trastazumab 17 vei 21days Cycle khaingai ding chih Doctorten hon hilh uhi.
1st Chemo 02/02/2016 in ka pan ua, a kal in buaisia in Emergency bang tungzel mahle ung Pathian hehpihna ziak in a 17 veina 06/01/2017 in konzou khethei uhi.
Khathum (3) hal a Review paizel ding a hilh a ka om bang un kouleng khathum halteng in Review in kapai gige uhi. Amah leng hong hoihmah² a damta ding chi'n kouleng lungmuang khamuang tak in ka om uhi.
Dt.29/07/2019 in Parathyroid Adenoma, Fortis Hospital, Vasant Kunj ah operation a kibawl a 30/07/2019 in ka pawt uhi.
Dt. 03/12/2019 in Nak haksa leh Khuh a hon neihziak in Max Smart, Super Speciality, Saket a ka pai uhleh Emergency ah honna Admit ngal uhi. dt 10/12/2019 tan Hospital ah ka om uhi. Hiaisung in PET CT Scan, Biopsy leh test reportte a hongsuak ua, Re-CA chih a hong hizel tel a, Pathian aw masang a athuaksa teng² le hunlua hilou hiam Toupa..? Chi'a kahlouh ngal hihtheih bang mah ka neikei hi.
A Doctornu'n Chemo toh Damdawi zatkhawm theihding a omkha hiam? Chih a hon zonpihpih mai a himahleh reportteng² negative lamngen in a paivek hi. A mangbat huaidante tuh agen a genzoh ding hilou hi. Sigui teng lah collapse sa a hihman in chemoport ngaiding chih a hong hi a, huai ding in dt. 17thJanuary, 2020 ni'n Operation a kibawl hi. Nitaklam 3:30pm in a hong pikhia ua, operation theatre kong ah thomhau takmai in keikia in nitak 9pm tan kana ngak hi. Munthum tak ah a try nung un a pang lak ah a hon bulhsak uhi. "nak thuak le hinatel chia maw Bawi" chi'n ka lungtang tawng ah kapkawm² in keikia in ka pauzel hi. Hiai chemoport le kizang theituan lou a hihman in kalthum nung in kila khenawn hi.
Hizahta a lungkham mangbatna ka tuahlainite un Pathian loungal ka lungkham mangbatnate uh kuppih ding khat leng nei lou ka hihdante tuh ka theichiang sem² hi.
Ka mailam hinkhua ding uh kagel a kagel bunkei.. Bangsuak a bangchi ding ka hi ua..? Koilam nga a koilam zuanding..? chih ka ngaihtuah chiang in ka mangbang thei petmah hi. Tagah meithaite Pa Pathian kiang a panpih ka ngetna ka thumna "TOUPA KA MACHIANG UH ZINGVAI HONG HAWMSAK IN" chih kammal tungtawn in La ka hon gelhkhia hi. Hiaitan a hon humbitpa Pathian min thupina leh minthanna hong hisem² hen.
Hon awlmohtute leh thumna toh hon delhzuitute teng² tungah kipahthu kon gen uhi. Huan hiai La ngaikhetu teng² leng navek un Pathian in hon ompih in hon humbit hen aw.

Vocal: Ngainu Haokip
Tune: TS Mimin
Music & Recording: S. Haopu
Videography & Editing: Skylight Media

ZINGVAI HONG HAWMSAK IN
( Lyrics: Elcy Neihsial )

1. Tangbang damlainite lenkil ah ke-diaidiai,
Nun i noplainiten lenmual khum zalmang tangzel,
Zaitha patbang nem a tuumbang vuaimai di'n,
Simlei nunna huihkhi'n sem e vuang ngelngel.

Simlei buaina'n khoh louma bang hondeep in,
Lungkham sinkhamnate'n hontuam kiimvel,
Kalsuan dingdan theizou kei ung TOUPA,
Ka machiang uh Zingvai hong hawmsak in.

2. Simlei huihkhi'n chiautuipi bang a hon tupchian,
Palsuah zoudi'n zaitha hatna bangmah ka neilou,
Masuan dingdang bangmah ka neilou zong in,
Huaisiam ka TOUPAN sawnban hon kaiden hi.

3. Natna satna'n lungziin meipi bang hon bopchian,
Vangsel leh dahtuam kisaknate'n hon um kiimvel,
Albang dahman kakha vangei e TOUPA,
Nemsiam Van laukha siangthou honngai ung e.
********

Note: Re-Upload is Strictly Prohibited